Цӕмӕй арӕхстджын ахуыргӕнджытӕ уӕм, уый тыххӕй хъуамӕ нӕхи хорз цӕттӕ кӕнӕм

Йесомӕ ӕнусон царды тыххӕй уыцы иу фарста ӕппынкъаддӕр дыууӕ хатты радтой, фӕлӕ-иу дзуапп радта, алы адӕймаджы дӕр цы хъуыд аразын, уымӕ гӕсгӕ (Лук. 10:25–28; 18:18–20). Уӕдӕ кӕд, нӕ ахуыргӕнинагимӕ цы ӕрмӕгыл ныхас кӕндзыстӕм, уый тынг хорз зонӕм, уӕддӕр-иу хъуамӕ нӕхи рагацау бацӕттӕ кӕнӕм, нӕ ахуыргӕнинагыл-иу хъуыды кӕнӕм, афтӕмӕй. Цавӕр ахуырӕдтӕ йын у зын бамбарын ӕмӕ цӕимӕ не сразы вӕййы? Публикацийы амынд стихтӕй кӕцытӕ хъуамӕ бакӕсӕм? Иу хаттӕн цас ӕрмӕг хъуамӕ равзарӕм? Цӕмӕй ахуыргӕнинаг ӕрмӕг хуыздӕр бамбара, уый тыххӕй нӕ, чи зоны, бахъӕуа цавӕрдӕр цӕстуынгӕ цӕвиттон бацӕттӕ кӕнын, ӕрмӕг ын куыд бамбарын кӕндзыстӕм, ууыл ахъуыды кӕнын йе та цалдӕр фарстайы бацӕттӕ кӕнын. Адӕймаджы зӕрдӕйы рӕстдзинады мыггаг Йегъовӕ кӕй рӕзын кӕны, уымӕ гӕсгӕ йӕм хъуамӕ кувӕм, цӕмӕй-иу нын раарфӕ кӕна, нӕхи-иу куы цӕттӕ кӕнӕм, уӕд. Стӕй ма йӕм хъуамӕ нӕ ахуыргӕнинаджы тыххӕй дӕр кувӕм ӕмӕ дзы курӕм, цӕмӕй йын нӕ бон уа баххуыс кӕнын рӕстдзинады фӕндагыл размӕ цӕуынӕн (1 Кор. 3:6; Иак. 1:5).