ਜ਼ਬੂਰ
ਨਿਰਦੇਸ਼ਕ ਲਈ ਹਿਦਾਇਤ; “ਯਾਦ ਕਰਾਉਣ ਵਾਲਾ ਸੋਸਨ”* ਸੁਰ ਮੁਤਾਬਕ। ਦਾਊਦ ਦਾ ਮਿਕਤਾਮ।* ਸਿਖਾਉਣ ਲਈ। ਜਦੋਂ ਉਹ ਅਰਾਮ-ਨਹਰੈਮ ਅਤੇ ਅਰਾਮ-ਸੋਬਾਹ ਦੇ ਲੋਕਾਂ ਨਾਲ ਲੜਿਆ ਸੀ ਅਤੇ ਯੋਆਬ ਨੇ ਵਾਪਸ ਆ ਕੇ ਲੂਣ ਦੀ ਘਾਟੀ ਵਿਚ 12,000 ਅਦੋਮੀਆਂ ਨੂੰ ਮਾਰ ਮੁਕਾਇਆ ਸੀ।+
60 ਹੇ ਪਰਮੇਸ਼ੁਰ, ਤੂੰ ਸਾਨੂੰ ਤਿਆਗ ਦਿੱਤਾ ਹੈ; ਤੂੰ ਸਾਡੀ ਸੁਰੱਖਿਆ ਦੀ ਕੰਧ ਨੂੰ ਢਾਹ ਦਿੱਤਾ ਹੈ।+
ਤੂੰ ਸਾਡੇ ਨਾਲ ਗੁੱਸੇ ਸੀ; ਪਰ ਹੁਣ ਸਾਨੂੰ ਦੁਬਾਰਾ ਆਪਣਾ ਬਣਾ ਲੈ!
2 ਤੂੰ ਧਰਤੀ ਨੂੰ ਹਿਲਾ ਦਿੱਤਾ; ਤੂੰ ਇਸ ਵਿਚ ਪਾੜ ਪਾ ਦਿੱਤਾ।
ਇਸ ਦੀਆਂ ਤਰੇੜਾਂ ਭਰ ਕਿਉਂਕਿ ਇਹ ਡਿਗਣ ਵਾਲੀ ਹੈ।
3 ਤੂੰ ਆਪਣੇ ਲੋਕਾਂ ʼਤੇ ਮੁਸੀਬਤ ਲਿਆਂਦੀ।
ਤੂੰ ਸਾਨੂੰ ਦਾਖਰਸ ਪਿਲਾਇਆ ਜਿਸ ਕਰਕੇ ਸਾਡੇ ਪੈਰ ਡਗਮਗਾਏ।+
4 ਜਿਹੜੇ ਤੇਰੇ ਤੋਂ ਡਰਦੇ ਹਨ, ਉਨ੍ਹਾਂ ਨੂੰ ਇਸ਼ਾਰਾ ਕਰ*
ਕਿ ਉਹ ਭੱਜ ਕੇ ਆਪਣੇ ਆਪ ਨੂੰ ਤੀਰਾਂ* ਤੋਂ ਬਚਾਉਣ (ਸਲਹ)
5 ਤਾਂਕਿ ਉਹ ਸਾਰੇ ਬਚਾਏ ਜਾਣ ਜਿਨ੍ਹਾਂ ਨੂੰ ਤੂੰ ਪਿਆਰ ਕਰਦਾ ਹੈਂ,
ਤੂੰ ਆਪਣੇ ਸੱਜੇ ਹੱਥ ਨਾਲ ਸਾਨੂੰ ਬਚਾ ਅਤੇ ਸਾਨੂੰ ਜਵਾਬ ਦੇ।+
6 ਪਵਿੱਤਰ* ਪਰਮੇਸ਼ੁਰ ਨੇ ਕਿਹਾ ਹੈ:
8 ਮੋਆਬ ਮੇਰੇ ਲਈ ਹੱਥ-ਪੈਰ ਧੋਣ ਵਾਲਾ ਭਾਂਡਾ ਹੈ।+
ਮੈਂ ਅਦੋਮ ਉੱਤੇ ਆਪਣੀ ਜੁੱਤੀ ਸੁੱਟਾਂਗਾ।+
ਮੈਂ ਫਲਿਸਤ ਉੱਤੇ ਜਿੱਤ ਦੀ ਖ਼ੁਸ਼ੀ ਮਨਾਵਾਂਗਾ।”+
9 ਕੌਣ ਮੈਨੂੰ ਘਿਰੇ ਹੋਏ* ਸ਼ਹਿਰ ʼਤੇ ਜਿੱਤ ਦਿਵਾਏਗਾ?
ਕੌਣ ਅਦੋਮ ਦੇ ਖ਼ਿਲਾਫ਼ ਮੇਰੀ ਅਗਵਾਈ ਕਰੇਗਾ?+
10 ਹੇ ਪਰਮੇਸ਼ੁਰ, ਤੂੰ ਹੀ ਸਾਨੂੰ ਜਿਤਾਏਂਗਾ,
ਪਰ ਤੂੰ ਸਾਨੂੰ ਤਿਆਗ ਦਿੱਤਾ ਹੈ,
ਹੇ ਸਾਡੇ ਪਰਮੇਸ਼ੁਰ, ਤੂੰ ਹੁਣ ਸਾਡੀਆਂ ਫ਼ੌਜਾਂ ਨਾਲ ਨਹੀਂ ਜਾਂਦਾ।+
11 ਬਿਪਤਾ ਦੇ ਵੇਲੇ ਸਾਡੀ ਮਦਦ ਕਰ
ਕਿਉਂਕਿ ਇਨਸਾਨਾਂ ਤੋਂ ਛੁਟਕਾਰੇ ਦੀ ਉਮੀਦ ਰੱਖਣੀ ਵਿਅਰਥ ਹੈ।+