ਖ਼ੂਨ ਬਿਨਾਂ ਇਲਾਜ—ਮੈਡੀਕਲ ਖੇਤਰ ਦੀ ਸਫ਼ਲਤਾ ਵਿਡਿਓ ਜ਼ਰੂਰ ਦੇਖੋ

ਕੀ ਤੁਹਾਨੂੰ ਪਤਾ ਹੈ ਕਿ ਖ਼ੂਨ ਲਏ ਬਗੈਰ ਇਲਾਜ ਕਰਾਉਣ ਦੇ ਕਿਹੜੇ-ਕਿਹੜੇ ਤਰੀਕੇ ਹਨ? ਕੀ ਤੁਸੀਂ ਜਾਣਦੇ ਹੋ ਕਿ ਖ਼ੂਨ ਦੀ ਥਾਂ ਤੇ ਕਿਹੜੀਆਂ ਕੁਝ ਦਵਾਈਆਂ ਦਿੱਤੀਆਂ ਜਾ ਸਕਦੀਆਂ ਹਨ ਅਤੇ ਇਹ ਕਿੱਦਾਂ ਕੰਮ ਕਰਦੀਆਂ ਹਨ? ਇਹ ਪਤਾ ਲਗਾਉਣ ਲਈ ਇਸ ਵਿਡਿਓ ਨੂੰ ਦੇਖੋ ਅਤੇ ਫਿਰ ਹੇਠਾਂ ਦਿੱਤੇ ਸਵਾਲਾਂ ਦੇ ਜਵਾਬ ਦੇਣ ਦੀ ਕੋਸ਼ਿਸ਼ ਕਰੋ।—ਨੋਟ: ਇਸ ਵਿਡਿਓ ਵਿਚ ਓਪਰੇਸ਼ਨ ਦੇ ਕੁਝ ਛੋਟੇ-ਛੋਟੇ ਸੀਨ ਹਨ ਜੋ ਮਾਤਾ-ਪਿਤਾ ਸ਼ਾਇਦ ਆਪਣੇ ਛੋਟੇ ਬੱਚਿਆਂ ਨੂੰ ਨਹੀਂ ਦਿਖਾਉਣਾ ਚਾਹੁਣਗੇ।

(1) ਕਿਹੜੇ ਮੁੱਖ ਕਾਰਨ ਕਰਕੇ ਯਹੋਵਾਹ ਦੇ ਗਵਾਹ ਖ਼ੂਨ ਨਹੀਂ ਲੈਂਦੇ ਹਨ ਅਤੇ ਇਹ ਸਿਧਾਂਤ ਬਾਈਬਲ ਵਿਚ ਕਿੱਥੇ ਦਿੱਤਾ ਗਿਆ ਹੈ? (2) ਡਾਕਟਰੀ ਇਲਾਜ ਦੇ ਸੰਬੰਧ ਵਿਚ ਸਾਡੀ ਕੀ ਇੱਛਾ ਹੈ? (3) ਮਰੀਜ਼ਾਂ ਕੋਲ ਕਿਹੜਾ ਬੁਨਿਆਦੀ ਹੱਕ ਹੈ? (4) ਖ਼ੂਨ ਨਾ ਲੈਣ ਦਾ ਫ਼ੈਸਲਾ ਇਕ ਉਚਿਤ ਅਤੇ ਜ਼ਿੰਮੇਵਾਰ ਫ਼ੈਸਲਾ ਕਿਉਂ ਹੈ? (5) ਜਦੋਂ ਮਰੀਜ਼ ਦਾ ਬਹੁਤ ਜ਼ਿਆਦਾ ਖ਼ੂਨ ਵਹਿ ਜਾਂਦਾ ਹੈ, ਤਾਂ ਡਾਕਟਰ ਮੁੱਖ ਤੌਰ ਤੇ ਕਿਹੜੀਆਂ ਦੋ ਜ਼ਰੂਰਤਾਂ ਪੂਰੀਆਂ ਕਰਨ ਦੀ ਕੋਸ਼ਿਸ਼ ਕਰਦੇ ਹਨ? (6) ਖ਼ੂਨ ਲੈਣ ਨਾਲ ਕਿਹੜੇ ਕੁਝ ਖ਼ਤਰੇ ਪੈਦਾ ਹੋ ਸਕਦੇ ਹਨ? (7) ਓਪਰੇਸ਼ਨ ਦੌਰਾਨ ਸਰਜਨ ਕਿਹੜੇ ਉਪਕਰਣ ਇਸਤੇਮਾਲ ਕਰ ਸਕਦੇ ਹਨ ਤਾਂਕਿ ਮਰੀਜ਼ ਦਾ ਜ਼ਿਆਦਾ ਖ਼ੂਨ ਨਾ ਵਹੇ? (8) ਖ਼ੂਨ ਦੀ ਥਾਂ ਤੇ ਚੜ੍ਹਾਈ ਜਾਣ ਵਾਲੀ ਕਿਸੇ ਵੀ ਦਵਾਈ ਬਾਰੇ ਤੁਸੀਂ ਕੀ-ਕੀ ਜਾਣਨਾ ਚਾਹੋਗੇ? (9) ਕੀ ਖ਼ੂਨ ਲਏ ਬਗੈਰ ਗੁੰਝਲਦਾਰ ਤੇ ਖ਼ਤਰਨਾਕ ਓਪਰੇਸ਼ਨ ਕੀਤੇ ਜਾ ਸਕਦੇ ਹਨ? (10) ਹੁਣ ਕਈ ਡਾਕਟਰ ਯਹੋਵਾਹ ਦੇ ਗਵਾਹਾਂ ਲਈ ਕੀ ਕਰਨ ਲਈ ਤਿਆਰ ਹਨ ਅਤੇ ਸਮਾਂ ਆਉਣ ਤੇ ਕਿਹੜਾ ਡਾਕਟਰੀ ਇਲਾਜ ਸ਼ਾਇਦ ਸਾਰੇ ਮਰੀਜ਼ਾਂ ਲਈ ਆਮ ਹੋ ਜਾਵੇ?

ਇਸ ਵਿਚ ਕੋਈ ਸ਼ੱਕ ਨਹੀਂ ਹੈ ਕਿ ਆਪਣੇ ਬਾਈਬਲ ਵਿਦਿਆਰਥੀਆਂ, ਅਵਿਸ਼ਵਾਸੀ ਪਤੀ ਜਾਂ ਪਤਨੀ ਜਾਂ ਰਿਸ਼ਤੇਦਾਰਾਂ, ਸਹਿਕਰਮੀਆਂ, ਅਧਿਆਪਕਾਂ ਅਤੇ ਸਹਿਪਾਠੀਆਂ ਨੂੰ ਖ਼ੂਨ ਬਿਨਾਂ ਇਲਾਜ ਵਿਡਿਓ ਦਿਖਾਉਣਾ ਲਾਭਦਾਇਕ ਹੋਵੇਗਾ ਜੋ ਸ਼ਾਇਦ ਖ਼ੂਨ ਨਾ ਲੈਣ ਦੇ ਸਾਡੇ ਫ਼ੈਸਲੇ ਉੱਤੇ ਸਵਾਲ ਚੁੱਕਦੇ ਹਨ। ਇਸ ਵਿਡਿਓ ਵਿਚ ਦਿਖਾਏ ਗਏ ਕਿਸੇ ਵੀ ਇਲਾਜ ਨੂੰ ਅਪਣਾਉਣਾ ਜਾਂ ਨਾ ਅਪਣਾਉਣਾ ਹਰ ਇਕ ਵਿਅਕਤੀ ਦਾ ਆਪਣਾ ਫ਼ੈਸਲਾ ਹੈ ਜੋ ਉਨ੍ਹਾਂ ਨੇ ਆਪਣੀ ਜ਼ਮੀਰ ਮੁਤਾਬਕ ਕਰਨਾ ਹੈ।—15 ਜੂਨ ਅਤੇ 15 ਅਕਤੂਬਰ 2000 ਦੇ ਪਹਿਰਾਬੁਰਜ ਵਿਚ “ਪਾਠਕਾਂ ਵੱਲੋਂ ਸਵਾਲ” ਦੇਖੋ।