ਵਿਡਿਓ ਜੋ ਮੈਡੀਕਲ ਖੇਤਰ ਵਿਚ ਇਕ ਵਧਦੇ ਰੁਝਾਨ ਬਾਰੇ ਦੱਸਦਾ ਹੈ
ਕਾਨੂੰਨੀ ਅਤੇ ਡਾਕਟਰੀ ਖੇਤਰ ਵਿਚ ਮਾਹਰ ਹੁਣ ਮਰੀਜ਼ਾਂ ਦੇ ਧਾਰਮਿਕ ਵਿਚਾਰਾਂ ਅਤੇ ਹੱਕਾਂ ਵੱਲ ਜ਼ਿਆਦਾ ਧਿਆਨ ਦੇ ਰਹੇ ਹਨ। ਇਸ ਕਰਕੇ ਇਲਾਜ ਕਰਨ ਦੇ ਅਜਿਹੇ ਨਵੇਂ ਤਰੀਕੇ ਲੱਭੇ ਗਏ ਹਨ ਜਿਨ੍ਹਾਂ ਤੋਂ ਯਹੋਵਾਹ ਦੇ ਗਵਾਹਾਂ ਨੂੰ ਫ਼ਾਇਦਾ ਹੋ ਸਕਦਾ ਹੈ। (ਰਸੂ. 15:28, 29) ਖ਼ੂਨ ਤੋਂ ਬਿਨਾਂ ਹੋਰ ਤਰੀਕਿਆਂ ਨਾਲ ਇਲਾਜ—ਮਰੀਜ਼ਾਂ ਦੀਆਂ ਲੋੜਾਂ ਅਤੇ ਹੱਕਾਂ ਨੂੰ ਪੂਰਾ ਕਰਨਾ (ਅੰਗ੍ਰੇਜ਼ੀ) ਨਾਮਕ ਵਿਡਿਓ ਵਿਚ ਇਸੇ ਵਿਸ਼ੇ ਤੇ ਗੱਲ ਕੀਤੀ ਗਈ ਹੈ। ਇਸ ਵਿਡਿਓ ਨੂੰ ਜ਼ਰੂਰ ਦੇਖੋ ਅਤੇ ਫਿਰ ਵਿਚਾਰ ਕਰੋ ਕਿ ਤੁਸੀਂ ਕੀ ਸਿੱਖਿਆ ਹੈ।—ਧਿਆਨ ਦਿਓ: ਇਸ ਵਿਡਿਓ ਵਿਚ ਮਰੀਜ਼ਾਂ ਦਾ ਓਪਰੇਸ਼ਨ ਹੁੰਦਾ ਦਿਖਾਇਆ ਗਿਆ ਹੈ, ਇਸ ਲਈ ਮਾਪਿਆਂ ਨੂੰ ਇਹ ਫ਼ੈਸਲਾ ਕਰਨਾ ਚਾਹੀਦਾ ਹੈ ਕਿ ਉਹ ਆਪਣੇ ਬੱਚਿਆਂ ਨੂੰ ਇਹ ਵਿਡਿਓ ਦਿਖਾਉਣਗੇ ਜਾਂ ਨਹੀਂ।
(1) ਡਾਕਟਰ ਖ਼ੂਨ ਚੜ੍ਹਾਉਣ ਦੇ ਮਾਮਲੇ ਬਾਰੇ ਆਪਣੀ ਰਾਇ ਕਿਉਂ ਬਦਲ ਰਹੇ ਹਨ? (2) ਖ਼ੂਨ ਚੜ੍ਹਾਏ ਬਿਨਾਂ ਕੀਤੇ ਗੁੰਝਲਦਾਰ ਓਪਰੇਸ਼ਨਾਂ ਦੀਆਂ ਤਿੰਨ ਮਿਸਾਲਾਂ ਦਿਓ। (3) ਦੁਨੀਆਂ ਵਿਚ ਕਿੰਨੇ ਡਾਕਟਰ ਅਤੇ ਸਰਜਨ ਖ਼ੂਨ ਤੋਂ ਬਿਨਾਂ ਮਰੀਜ਼ਾਂ ਦਾ ਇਲਾਜ ਕਰਨ ਲਈ ਰਜ਼ਾਮੰਦ ਹਨ? ਉਹ ਇਸ ਤਰ੍ਹਾਂ ਕਰਨ ਲਈ ਕਿਉਂ ਤਿਆਰ ਹਨ? (4) ਹਸਪਤਾਲਾਂ ਵਿਚ ਖ਼ੂਨ ਦੀ ਵਰਤੋਂ ਬਾਰੇ ਹਾਲ ਹੀ ਵਿਚ ਕੀਤੇ ਅਧਿਐਨਾਂ ਤੋਂ ਕੀ ਪਤਾ ਲੱਗਾ ਹੈ? (5) ਖ਼ੂਨ ਲੈਣ ਦੇ ਕਿਹੜੇ ਕੁਝ ਖ਼ਤਰੇ ਹਨ? (6) ਖ਼ੂਨ ਦੀ ਥਾਂ ਤੇ ਕੋਈ ਹੋਰ ਦਵਾਈ ਚੜ੍ਹਾਉਣ ਦੇ ਫ਼ਾਇਦਿਆਂ ਸੰਬੰਧੀ ਬਹੁਤ ਸਾਰੇ ਡਾਕਟਰਾਂ ਨੇ ਕੀ ਸਿੱਟਾ ਕੱਢਿਆ ਹੈ? (7) (ੳ) ਖ਼ੂਨ ਦੀ ਕਮੀ ਕਿਸ ਕਾਰਨ ਹੁੰਦੀ ਹੈ? (ਅ) ਇਨਸਾਨ ਖ਼ੂਨ ਦੀ ਕਿੰਨੀ ਕੁ ਕਮੀ ਨੂੰ ਬਰਦਾਸ਼ਤ ਕਰ ਸਕਦਾ ਹੈ? (ੲ) ਇਸ ਕਮੀ ਨੂੰ ਪੂਰਾ ਕਰਨ ਲਈ ਕੀ ਕੀਤਾ ਜਾ ਸਕਦਾ ਹੈ? (8) ਮਰੀਜ਼ ਦੇ ਸਰੀਰ ਵਿਚ ਲਾਲ ਸੈੱਲਾਂ ਦੀ ਮਾਤਰਾ ਕਿਵੇਂ ਵਧਾਈ ਜਾ ਸਕਦੀ ਹੈ? (9) ਓਪਰੇਸ਼ਨ ਦੌਰਾਨ ਜ਼ਿਆਦਾ ਖ਼ੂਨ ਨੂੰ ਵਹਿਣ ਤੋਂ ਰੋਕਣ ਲਈ ਕਿਹੜੀਆਂ ਤਕਨੀਕਾਂ ਅਪਣਾਈਆਂ ਜਾਂਦੀਆਂ ਹਨ? (10) ਕੀ ਬੱਚਿਆਂ ਨੂੰ ਅਤੇ ਗੰਭੀਰ ਹਾਲਤ ਵਾਲੇ ਮਰੀਜ਼ਾਂ ਨੂੰ ਖ਼ੂਨ ਦੀ ਥਾਂ ਕੋਈ ਹੋਰ ਦਵਾਈ ਚੜ੍ਹਾਉਣ ਨਾਲ ਫ਼ਾਇਦਾ ਹੋ ਸਕਦਾ ਹੈ? (11) ਚੰਗੇ ਇਲਾਜ ਦੇ ਪਿੱਛੇ ਕਿਹੜਾ ਇਕ ਮੁੱਖ ਨੈਤਿਕ ਸਿਧਾਂਤ ਹੈ? (12) ਮਸੀਹੀਆਂ ਲਈ ਇਹ ਪਹਿਲਾਂ ਹੀ ਨਿਸ਼ਚਿਤ ਕਰਨਾ ਕਿਉਂ ਜ਼ਰੂਰੀ ਹੈ ਕਿ ਉਹ ਖ਼ੂਨ ਤੋਂ ਬਿਨਾਂ ਕਿਹੜਾ ਇਲਾਜ ਸਵੀਕਾਰ ਕਰਨਗੇ? ਅਸੀਂ ਇਹ ਕਿਵੇਂ ਕਰ ਸਕਦੇ ਹਾਂ?
ਇਸ ਵਿਡਿਓ ਵਿਚ ਦੱਸੇ ਗਏ ਕੁਝ ਤਰੀਕਿਆਂ ਮੁਤਾਬਕ ਇਲਾਜ ਕਰਾਉਣਾ ਹੈ ਜਾਂ ਨਹੀਂ, ਇਸ ਦਾ ਫ਼ੈਸਲਾ ਹਰ ਮਸੀਹੀ ਆਪਣੀ ਬਾਈਬਲ-ਸਿੱਖਿਅਤ ਜ਼ਮੀਰ ਦੇ ਆਧਾਰ ਤੇ ਆਪ ਕਰੇ। ਕੀ ਤੁਸੀਂ ਇਹ ਫ਼ੈਸਲਾ ਕਰ ਲਿਆ ਹੈ ਕਿ ਤੁਸੀਂ ਆਪਣੇ ਵਾਸਤੇ ਅਤੇ ਆਪਣੇ ਬੱਚਿਆਂ ਵਾਸਤੇ ਖ਼ੂਨ ਤੋਂ ਬਿਨਾਂ ਇਲਾਜ ਦਾ ਕਿਹੜਾ ਤਰੀਕਾ ਅਪਣਾਓਗੇ? ਪਰਿਵਾਰ ਦੇ ਜਿਹੜੇ ਮੈਂਬਰ ਗਵਾਹ ਨਹੀਂ ਹਨ, ਉਨ੍ਹਾਂ ਨੂੰ ਆਪਣੇ ਇਸ ਫ਼ੈਸਲੇ ਅਤੇ ਇਸ ਦੇ ਕਾਰਨਾਂ ਤੋਂ ਚੰਗੀ ਤਰ੍ਹਾਂ ਜਾਣੂ ਕਰਾਓ।—ਪਹਿਰਾਬੁਰਜ, 15 ਜੂਨ ਅਤੇ 15 ਅਕਤੂਬਰ 2000 ਦੇ ਅੰਕਾਂ ਵਿਚ “ਪਾਠਕਾਂ ਵੱਲੋਂ ਸਵਾਲ” ਨਾਮਕ ਲੇਖ ਦੇਖੋ।