ਕੀ ਤੁਸੀਂ ਮੈਮੋਰੀਅਲ ਦੀਆਂ ਤਿਆਰੀਆਂ ਕਰ ਰਹੇ ਹੋ?

ਇਹ 13 ਨੀਸਾਨ 33 ਈਸਵੀ ਦੀ ਗੱਲ ਹੈ। ਯਿਸੂ ਜਾਣਦਾ ਸੀ ਕਿ ਉਸ ਦੀ ਮੌਤ ਤੋਂ ਪਹਿਲਾਂ ਉਸ ਕੋਲ ਆਪਣੇ ਕਰੀਬੀ ਦੋਸਤਾਂ-ਮਿੱਤਰਾਂ ਨਾਲ ਬਿਤਾਉਣ ਲਈ ਇਕ ਹੀ ਸ਼ਾਮ ਰਹਿ ਗਈ ਸੀ। ਯਿਸੂ ਨੇ ਉਨ੍ਹਾਂ ਨਾਲ ਆਖ਼ਰੀ ਵਾਰ ਪਸਾਹ ਦਾ ਤਿਉਹਾਰ ਮਨਾਉਣ ਵੇਲੇ ਇਕ ਨਵੀਂ ਰੀਤ ਸ਼ੁਰੂ ਕਰਨੀ ਸੀ, ਉਹ ਸੀ ਉਸ ਦੀ ਮੌਤ ਦੀ ਵਰ੍ਹੇ-ਗੰਢ। ਇਸ ਖ਼ਾਸ ਮੌਕੇ ਲਈ ਤਿਆਰੀ ਬਹੁਤ ਜ਼ਰੂਰੀ ਸੀ। ਇਸ ਲਈ ਉਸ ਨੇ ਪਤਰਸ ਅਤੇ ਯੂਹੰਨਾ ਨੂੰ ਸਾਰਾ ਕੁਝ ਤਿਆਰ ਕਰਨ ਲਈ ਭੇਜਿਆ। (ਲੂਕਾ 22:7-13) ਉਦੋਂ ਤੋਂ ਹਰ ਸਾਲ ਮੈਮੋਰੀਅਲ ਮਨਾਉਣ ਦੀ ਇੱਛਾ ਰੱਖਣ ਵਾਲੇ ਮਸੀਹੀ ਮੈਮੋਰੀਅਲ ਦੀਆਂ ਤਿਆਰੀਆਂ ਕਰਨੀਆਂ ਬਹੁਤ ਜ਼ਰੂਰੀ ਸਮਝਦੇ ਹਨ। (ਲੂਕਾ 22:19) ਇਸ ਸਾਲ 3 ਅਪ੍ਰੈਲ ਨੂੰ ਮਨਾਏ ਜਾਣ ਵਾਲੇ ਮੈਮੋਰੀਅਲ ਲਈ ਸਾਨੂੰ ਕਿਹੜੀਆਂ ਖ਼ਾਸ ਤਿਆਰੀਆਂ ਕਰਨ ਦੀ ਲੋੜ ਹੈ?

ਮੰਡਲੀ ਦੇ ਬਜ਼ੁਰਗਾਂ ਦੁਆਰਾ ਤਿਆਰੀਆਂ:

ਪ੍ਰਬੰਧ ਕਰੋ ਕਿ ਮੈਮੋਰੀਅਲ ਕਿਹੜੇ ਕਿੰਗਡਮ ਹਾਲ ਜਾਂ ਜਗ੍ਹਾ ʼਤੇ ਹੋਵੇਗਾ। ਹਾਲ ਵਿਚ ਬੈਠਣ ਲਈ ਕਾਫ਼ੀ ਸੀਟਾਂ ਹੋਣੀਆਂ ਚਾਹੀਦੀਆਂ ਹਨ। ਇਹ ਹਵਾਦਾਰ ਹੋਵੇ ਅਤੇ ਇੱਥੇ ਲਾਈਟ ਦਾ ਵਧੀਆ ਪ੍ਰਬੰਧ ਹੋਵੇ। ਇਸ ਨੂੰ ਪਹਿਲਾਂ ਹੀ ਚੰਗੀ ਤਰ੍ਹਾਂ ਸਾਫ਼ ਕਰਨ ਦਾ ਇੰਤਜ਼ਾਮ ਕਰੋ।
ਕਾਬਲ ਭਾਸ਼ਣਕਾਰ, ਚੇਅਰਮੈਨ ਅਤੇ ਉਹ ਭਰਾ ਚੁਣੋ ਜੋ ਰੋਟੀ ਅਤੇ ਦਾਖਰਸ ਲਈ ਪ੍ਰਾਰਥਨਾ ਕਰਨਗੇ।
ਜੇ ਇੱਕੋ ਜਗ੍ਹਾ ʼਤੇ ਇਕ ਤੋਂ ਜ਼ਿਆਦਾ ਮੰਡਲੀਆਂ ਮੈਮੋਰੀਅਲ ਮਨਾਉਣਗੀਆਂ, ਤਾਂ ਮੀਟਿੰਗਾਂ ਦਾ ਸਮਾਂ, ਹਾਲ ਅਤੇ ਪਾਰਕਿੰਗ ਵਾਲੀ ਥਾਂ ਦੇ ਅੰਦਰ ਆਉਣ ਅਤੇ ਬਾਹਰ ਜਾਣ ਦਾ ਸਮਾਂ ਤੈਅ ਕਰੋ।
ਅਟੈਂਡੰਟਾਂ ਅਤੇ ਰੋਟੀ ਤੇ ਦਾਖਰਸ ਵਰਤਾਉਣ ਵਾਲੇ ਭਰਾਵਾਂ ਨੂੰ ਚੁਣੋ ਅਤੇ ਉਨ੍ਹਾਂ ਨੂੰ ਸਾਰਾ ਕੁਝ ਸਮਝਾਓ।
ਰੋਟੀ, ਦਾਖਰਸ, ਪਲੇਟਾਂ, ਦਾਖਰਸ ਲਈ ਗਲਾਸ, ਇਕ ਟੇਬਲ ਅਤੇ ਟੇਬਲ ਲਈ ਕੱਪੜੇ ਦਾ ਪ੍ਰਬੰਧ ਕਰੋ।

ਪਬਲੀਸ਼ਰਾਂ ਦੁਆਰਾ ਤਿਆਰੀਆਂ:

ਮੈਮੋਰੀਅਲ ਦੇ ਸੱਦਾ-ਪੱਤਰ ਵੰਡਣ ਦੀ ਮੁਹਿੰਮ ਵਿਚ ਵਧ-ਚੜ੍ਹ ਕੇ ਹਿੱਸਾ ਲੈਣ ਲਈ ਜ਼ਰੂਰੀ ਫੇਰ-ਬਦਲ ਕਰੋ।
ਆਪਣੀਆਂ ਬਾਈਬਲ ਸਟੱਡੀਆਂ, ਰਿਸ਼ਤੇਦਾਰਾਂ, ਆਪਣੇ ਨਾਲ ਪੜ੍ਹਨ ਵਾਲਿਆਂ, ਕੰਮ ਕਰਨ ਵਾਲਿਆਂ ਅਤੇ ਹੋਰ ਜਾਣਕਾਰਾਂ ਦੀ ਇਕ ਲਿਸਟ ਬਣਾਓ ਅਤੇ ਉਨ੍ਹਾਂ ਨੂੰ ਸੱਦਾ ਦਿਓ।
ਮੈਮੋਰੀਅਲ ਬਾਈਬਲ ਰੀਡਿੰਗ ਕਰੋ ਅਤੇ ਇਸ ਉੱਤੇ ਸੋਚ-ਵਿਚਾਰ ਕਰੋ।
ਮੈਮੋਰੀਅਲ ਵਾਲੇ ਦਿਨ ਲੋਕਾਂ ਦਾ ਸੁਆਗਤ ਕਰਨ ਲਈ ਜਲਦੀ ਆਓ।