No Antoy Ibaga Nipaakar ed Saray Magasin

Say Panag-bantayan Dis. 15

“Pampapagaan na dakel a totoo a say panaon na Krismas tan Balon Taon et komersyo lan maong. Antoy padesir yo, aburagas la kasi peteg a gagala na saratan? [Abuloyan ya onebat.] Sisingbaten na sayan magasin no panon ya anguman iray kustombre ed Krismas tan Balon Taon diad inlabas na panaon. Sisingbaten met na saya no panon tayon peteg a napagalangan so Dios tan si Kristo.” Basaen so Juan 17:3.

Awake! Dis. 22

“Manga 85 a taon ed apalabas, walay sakey a sakit a say tinigway to ed loob na 24 simba et mas dakel nen say tinigway la na AIDS ed loob na 24 taon. Tinawag na arum itan a say sankagrabian a salot ed awaran. Arengelan yo ta la so trangkaso Español? [Abuloyan ya onebat.] Sisingbaten na sayan magasin no kasin nagawa lamet itan. Mangiiter met iya na basiyan parad ilalo.” Basaen so Isaias 33:24.

Say Panag-bantayan Ene. 1

“Saray totoo et walaan na kapasidad a manggawa na dakel a kamaongan, ingen ta mabetbet iran manggawa na agnipaliwawa iran kaugsan. Nanumamengan yo la kasi no akin? [Abuloyan ya onebat.] Lugan na sayan magasin so ebat na Biblia. Ipapaliwawa met na saya no panon a diad kaunoran et taloen la na kamaongan so kaugsan.” Basaen so Roma 16:20.

Awake! Ene.

“Nanumamengan yo ta la no anto kasi pagmaliwan na mundo kayari 20 odino 30 a taon? [Abuloyan ya onebat. Insan basaen so Salmo 119:105.] Liliwawaan na Biblia so dalan ya aarapen tayo pian natebek tayo so nagawa ed arapen. Uusisaen na sayan magasin iray propesiya a mangipapanengneng no iner lay kawalaan tayo ed agus na panaon tan no akin a nailaloan tayo so sakey a marakep ya arapen.”