No Anto so Ibaga Nipaakar ed Saray Magasin

Say Panag-bantayan Abr.-Hun.

“Lapud saray natural a kayamanan na dalin et naaabuso, kasin panumamengan yo no makaliktar ni so dalin? [Abuloyan ya onebat.] Imanoen iyan makaligliwan sipan. [Basaen so Salmo 104:5.] Ipapanengneng na sayan artikulo no antoy ibabaga na Biblia nipaakar ed arapen na dalin.” Iparungtal so artikulo ya onggapo ed pahina 10.

Awake! Abr.

“Lapud kinarakel na kimey tayo, naiimano na dakel a mairap so pangigana na panaon ed pandayew ed Dios. Kasin ontan met so naimano yo? [Abuloyan ya onebat. Insan basaen so Efeso 5:15-17.] Mangiiter iyan artikulo na makatunongan ya eksplinasyon na Biblia ed no kaunongan karakel a panaon tan biskeg so iilaloan na Dios ed sikatayo pian igana ed sikato.” Iparungtal so artikulo ya onggapo ed pahina 20.

The Watchtower Mayo 1

“Ibabaga na dakel a totoo a manisia labat ira ed nanengneng da. Mipakna kayo ed sikara? [Abuloyan ya onebat. Insan basaen so Roma 1:20.] Ipapabitar na sayan magasin so taloran kalidad na Dios a sankanengneng tayo ed palsa tan nibabaga dia no panon a makaapekta ed sikatayo so pakaamta ed sarayan kalidad.”

Awake! Mayo

“Dakel a totoo natan so natatakot ed arapen. Diad padesir yo, onaligwas ni kasi iray bengatla odino onloor la ingen? [Abuloyan ya onebat. Insan basaen so Apocalipsis 21:3, 4.] Ipapaliwawa na sayan magasin no akin a makapanmatalek itayo a magano lan solbaren na Dios iray problema ya agnayarian na too.”