Balon Programa ed Agew na Espisyal ya Asemblea

Say tema na programa ed agew na espisyal ya asemblea parad 2009 et “Itultuloy Mon Alwaran so Ministeryom . . . , a Sumpalen Mo Itan,” base’d Colosas 4:17, NW. Bilang Kristianos, seseryosoen tayo iyan simbawa. Kalat tayon sitotoor a sumpalen so ministeryo tayo a singa ginawa nen Jesus. (Juan 17:14) Angipanengneng met si apostol Pablo na alay abig ya uliran ed saya. Sikatoy determinadon manumpal ed ministeryo to.​—Gawa 20:24.

Ipabitar na betang na manangasikaso na sirkito no panon a natatalonaan na dakel a manangipalapag iray angat ed ministeryo ra. Insan say paliwawan “Bayuboan so Intanem Yo” et mangidanet ed no panon tayon peteg a natulongan iramay “walaan na dugan kipapasen na puso parad bilay ya andi-anggaan.” (Gawa 13:48, NW) Say unonan paliwawa na ombibisitan espiker et say bersikulo por bersikulon paningbat ed 2 Corinto 6:1-10, diad paliwawan “No Panon Tayon Nirekomenda so Inkasikatayo Bilang Miministro.” Insan diad ngarem, ipaliwawa to so teman “Pablien a Maong so Ministeryo Yo.” Seguradon napaseseg kayo ed partin “Panggagayagaan na Saray Kalangweran Ontan met ed Saray Maedad La so Ministeryo” tan “Saray Kalangweran a Manusumpal ed Ministeryo.” Saramay labay dan isimbolo so dedikasyon da panamegley na bautismo diad arap-arapen a sirkito odino espisyal ya asemblea et nepeg a mangipaamta lan tampol ed mangidadaulon manangasikaso. Aaralen met so Say Panag-Bantayan ed amin ya asemblea tan kombension tayo. Kanian, awit yoy kopya yo ya aralen ed simba na espisyal ya asemblea.

Seseguroen tayon nasumpal tayo so ministeryo tayo, kanian panggugunaetan tayon alwaran lawas ya agnasamsaman na arum iran interes tan aktibidad so ministeryon impudir nen Jehova ed sikatayo. Say nitaryan Makasulatan a panamaseseg panamegley na sayan programa ed agew na espisyal ya asemblea et ontulong ed sikatayon natalosan no antoy nepeg tayon gawaen pian mansiansian akateen so imano tayo ed ministeryo tan molimolien so nagagawaan tayo ed satan tekep na kalat a sigpot a sumpalen itan.