Eskedyul ed Simba na Disyembre 29
SIMBA NA DISYEMBRE 29
Kanta 68 tan Pikakasi
Panagaral na Kongregasyon ed Biblia:
re kap. 21 ¶1-9 (30 min.)
Teokratikon Eskuelaan Parad Ministeryo:
Babasaen ed Biblia: Josue 12-15 (10 min.)
Repaso ed Teokratikon Eskuelaan Parad Ministeryo (20 min.)
Pantitipon Parad Panagserbi:
Tema ed Sayan Bulan: Mangipaway na “maong iran bengatla” manlapud maong a kayamanan ya inmatalek ed sikatayo.—Mat. 12:35a.
20 min: Tuloytuloy ya Ibangat so “Maong Iran Bengatla” ed Saray Iyaaralan na Biblia tan Mananisian Ananak. (Mat. 12:35a) Paliwawa a mankomentoy dumerengel. Usaren irayan teksto pian ipanengneng no antoy nepeg tayon ilaloan ed saray iyaaralan na Biblia tan mananisian ananak: 1 Corinto 13:11; 1 Pedro 2:2, 3. Ipaliwawa no antoy labay ya ibaga na ‘salien’ odino tawayan so “gatas a manlalapud salita na Dios” tan no panon tayon natulongan iray iyaaralan tayo ya gawaen iya. Ipaliwawa so prinsipyon walad Marcos 4:28. (Nengnengen so Say Panag-bantayan, Disyembre 15, 2014, p. 12, par. 6-8.) Interbyuen so sakey ya eksperiensyadon manangipalapag odino ateng ya mangipaliwawa no panon ton tinulongan so sakey ya iyaaralan na Biblia odino anak to ya onaligwas ed espiritual.—Efe. 4:13-15; nengnengen so “Tepet” diad Mayo 2014 ya Ministeryo Tayo ed Panarian.
10 min: “Inabang so ‘Maong Iran Bengatla’ Diad Pagmaliw a Maparawes (Mat. 12:35a).” Paliwawa a mankomentoy dumerengel. Panon ya agunggonaan so arum odino anto ray naeksperiensya da lapud impamarawes da? Pankomentoen iray dumerengel no panon tayon nipanengneng so panagparawes, lalo lad saray manlilingkor a sigpot panaon. Bitlaen so uksoyan na kongregasyon diad pamakan ed inimbitaan ya espiker.
Kanta 124 tan Pikakasi