No Anto so Ibaga Nipaakar ed Saray Magasin

Say Panag-bantayan Set. 15

“Walaray manangaro ed katuaan diad amin lawarin relihyon. Ingen, saray relihyon ed inkalapagan so sengegan na agpankakasakey na totoo. Anto so kaukolan pian mankasakey so matuan-impanpuson totoo? [Kayarin onebat, basaen so Sofonias 3:9.] Ipapanengneng na sayan magasin no panon a say pikakabat ed tuan Dios et pankakasakeyen toray totoo ed inerman a pasen.”

Awake! Set. 22

“Maslak ed sikatayo so mangibabaliwala a walan naynay so daakan a nakan. Balet natan et walaray pampapagaan a say siensia so nayarin kapeligroan na suplay na tagano tayo. Ipapaliwawa na sayan magasin so pigara ed saratan a kapagaan ontan met ed ibabaga na Biblia ya ilalo parad peteg a solusyon ed problema.”

Say Panag-bantayan Okt. 1

“Nayarin onabobon kayo a say pananisia ed Dios so aliwa lan popular a tema parad dakel a totoo. Balet akin ya onia so kipapasen? [Kayarin onebat, basaen so Hebreos 11:1.] Sisingbaten na sayan magasin no anto so tuan pananisia tan antoy resulta no walaan itayo na pananisia odino anggapo.”

Awake! Okt. 8

“Unong a kabat yo la, say Todos Los Santos, a singa say Halloween, so popular a tuloy a selebrasyon kada taon. Kasin awalaan kayo la na pankanawnawan amtaen so nipaakar ed lapuan na sarayan selebrasyon? [Abuloyan ya onebat.] Seguradon paninteresan yon basaen iyan magasin.”