No Anto so Ibaga Nipaakar ed Saray Magasin

Say Panag-bantayan Set. 15

Mamitla na sakey a balita a pampapagaan na totoo diad lugar yo. Insan oniay itepet yo: “Antoy nikuan yo ed sayan bersikulo na Biblia, kasin malinew a dedeskribien na saya so panaon a pambibilayan tayo? [Basaen so 2 Timoteo 3:1, tan abuloyan ya onebat.] Susurien na sayan artikulo so ebidensya a manbibilay itayo la ed saray kaunoran ya agew tan ipapanengneng na saya no anto so nepeg tayon gawaen.”

Awake! Set.

“Iisipen na dakel a totoo a sikatayo et pinalsa. Balet, say ibabaga na arum et basta linmesa itayo labat. Anto so nibaga yo ed satan? [Abuloyan ya onebat.] Imanoen pa iyan suhestion pian natulongan itayon nawalaan na dugan ebat. [Basaen so Job 12:7, 8.] Sayan espisyal ya isyu na Awake! so mangipaliwawa no anto so naaralan tayo ed kakabatan tan desinyo a napapatnagan ed saray pinalsa.”

Say Panag-bantayan Okt.1

“Sasalien na saray biologist a paandien so sakit tan parukeyen so bilay tayo. Antoy nibaga yo, onsabi kasi so panaon a posible la so pambilay ya andi-anggaan? [Abuloyan ya onebat.] Imanoen so rason no akin a pilalek tayo so manbilay na andukey. [Basaen so Eclesiastes 3:11.] Isasalaysay na sayan magasin no akin a pinalsa itayo na Dios tekep na pilalek a manbilay na andi-anggaan.”

Awake! Okt.

“Amin lawari et panliketan day manbantay na telebisyon. Balet antoy nibaga yo, nepeg tayo kasin manpili na bantayan tayo? [Abuloyan ya onebat. Insan basaen so Uliran 13:20.] Isasalaysay na sayan magasin no panon itayon naimpluensyaan na telebisyon, tan mangiiter iya na saray suhestion no panon tayon nakontrol so panagbantay tayo.”