No Anto so Ibaga Nipaakar ed Saray Magasin

Say Panag-Bantayan Set. 15

“Ilalaktip na minilyon a totoo irayan kabkabat a salita diad mismon pikakasi ra. [Basaen so Mateo 6:10.] Diad padesir yo, anto kasi so klase na bilay sano sigpot lan nasumpal so linawa na Dios diad dalin? [Abuloyan ya onebat.] Uusisaen na sayan magasin so kabaliksan na kada parte na Pikakasin Ama Mi, a pati say parte a kapkapanbasa tayo.”

Awake! Set. 22

“Dakel a totoo so napapagaan ed onloloor a problema na saray kalangweran​—say alabas a panag-inom. Nagagawa ta iya diad lugar yo? [Abuloyan ya onebat. Insan basaen so Uliran 20:1.] Mapeligro parad saray kalangweran so panag-inom. Nabasa ed sayan artikulo so impormasyon a makatulong pian naresistian da so manbuanges.”

Say Panag-Bantayan Okt. 1

“Pipilaleken tayon amin a nanengneng so pangangga na krimen, karawalan, tan bakal. Diad padesir yo, naalagar tayo ni kasi so pakasumpal na sarayan asalambit dia? [Basaen so Salmo 37:11. Insan abuloyan ya onebat.] Sisingbaten na sayan magasin no panon a mikonektaan iyan sipan ed orihinal a gagala na Dios parad katooan tan no panon itayon makapibiang ed saya.”

Awake! Okt. 8

“Agta makapasinagem a kada taon et minilyon ed saray tin-edyer a mamarikit so nalulukonan? [Abuloyan ya onebat.] Sisingbaten na sayan magasin iray paraan a nayarian dan gawaen pian natalonaan iray irap na pagmaliw a tin-edyer nin ina. Sisingbaten met na saya no panon a masakbay lan makatulong so atateng a napaliisan iyan problema.” Basaen so 2 Timoteo 3:15.