No Anto so Ibaga Nipaakar ed Saray Magasin

Say Panag-Bantayan Set. 15

“Diad mundo natan, moriaen na arum a sikaray biktima na anggapoy-aroan a panamaley. Anto kasi so makatulong ed saray totoo a walad ontan a kipapasen? [Abuloyan ya onebat.] Papaseguroan itayo na Biblia a makatulong ed sikatayo iray prinsipyo na Dios. [Basaen so Isaias 48:17, 18.] Sayan isyu na Say Panag-Bantayan so manisingbat ed saray prinsipyo na Biblia a mamaelet ed panamaley.”

Awake! Set. 22

“Pankelawan tayo so abilidad na saray ayayep a mitalosan. Balet amta yo ta a diad pigaran pamaakaran et nikadkaduma so too? [Abuloyan ya onebat. Insan basaen so Salmo 65:2.] Aliwan singa saray ayayep, sikatayo so manpipilalek a mitalosan ed Dios. Sisingbaten na sayan magasin no panon tayon napanggayagaan so maabig a pitatalosan ed totoo tan ed Dios.”

Say Panag-Bantayan Okt. 1

“Kasin nitepet yo lan, ‘No say Dios et maaro tan sankamakapanyarian, akin a sikatoy ag-onsalet nisesengeg ed saramay totoon maniirap?’ [Abuloyan ya onebat.] Agla manbayag et panampoten to so amin a problema. [Basaen so Isaias 65:17.] Kaleganan ni, say Dios et agbasta maniimaton legan itayon maniirap, unong ya ipapalinew na sayan magasin.”

Awake! Okt. 8

“Nadngelan yo ta la a naiirapan so dakel a dumaralos a mantultuloy ed anapan a panagdalus? [Abuloyan ya onebat.] Sisingbaten na sayan isyu na Awake! iyan problema ontan met ed sipan na Biblia nipaakar ed magmaong a panaon ed arapen. [Basaen so Salmo 72:16.] Sano ompawil ak, labay kon ipaliwawa no panon a sumpalen na Dios iya.”