No Anto so Ibaga Nipaakar ed Saray Magasin

Say Panag-bantayan Set. 15

“Panisiaan na minilyon a totoo a saray ‘sasanto’ so walaan na nikaduman pakapanyari tan makagunggona so pampikasi panamegley da. Antoy padesir yo? [Abuloyan ya onebat.] Imanoen pa so inkuan nen Jesu-Kristo. [Basaen so Juan 14:6.] Saya so rason a manuumameng so arum nipaakar ed pampikasi panamegley na ‘sasanto.’ Sayan isyu na Say Panag-Bantayan so manisingbat ed satan ya importantin tema.”

Awake! Set. 22

“Dakel a totoo natan so mapaga nipaakar ed terorismo, pati say panangusar ed saray biolohikon armas. Diad padesir yo, kasin sigpot a napatunda na saray gobierno na too so terorismo ed sayan mundo? [Abuloyan ya onebat.] Ipapanengneng na Biblia no antoy getma na Dios a gawaen. [Basaen so Ezequiel 34:28.] Sayan magasin ya Awake! so manguusisa ed arum iran isyu a nalalanor.”

Say Panag-bantayan Okt. 1

“Uumamengen na dakel no kasin mangangga ni so amin a kaguloan a nanengneng tayo ed kaliberliber​—saray bakal, krimen, tan terorismo. Antoy nikuan yo? [Abuloyan ya onebat.] Iiter na Biblia iyan makaligliwan panamaseguro. [Basaen so Salmo 37:10, 11.] Ipapaliwawa na sayan magasin no akin ya aabuloyan ni na Dios so kaugsan tan say paniirap a resulta na satan.”

Awake! Okt. 8

“Natan et ompapatnag a pirmi so idarakel na pamilyan walaan na mansusulon-ateng. Ipapanengneng na Biblia a say Manamalsa tayo so walaan na panangabagey ed sikara. [Basaen so Salmo 146:9.] Ipapanengneng na sayan isyu na Awake! no panon a makatulong iray prinsipyo na Biblia ed saray mansusulon-ateng pian matalonan mamabaleg ed ananak da.”