No Anto so Ibaga Nipaakar ed Saray Magasin

Say Panag-bantayan Okt. 15

“Anto so kaukolan pian napagmaliw so mundo a magmaong tan mas maliket? [Abuloyan ya onebat.] Nanduruma lan klase na gobierno so sinali na too pian paaligwasen iray bengatla. Balet imanoen pa so panmoria na Dios ed saya. [Basaen so Jeremias 10:23.] Ipaparungtal na sayan artikulo so ‘Say Tombok ed Maliket a Mundo,’ a mangipapanengneng no panon a magano lan nagawa iya.”

Awake! Okt. 22

“Kasin onabobon kayo a saray totoo natan et ompatnag a manbibilay ed silong na dakel a desdes nen say kapiganman? [Abuloyan ya onebat.] Impasakbay na Biblia iya. [Basaen so 2 Timoteo 3:1.] Dakel a totoo so maniirap ed bilay kanian sikaray onsusuko la. Iiter na sayan magasin so peteg a panamaseseg. Ipapanengneng to no panon a labanan so kaandiay-ilalo tan pagmaliwen ton makana so pambilay.”

Say Panag-bantayan Nob. 1

Kayari pamitla ed makapagonigon iran balita, itepet: “Akin a gagawaen na totoo iratan a marelmeng a bengatla? Amin tayo et amta tayo so duga tan aliwa, balet siansian gagawaen na totoo so mauges iran bengatla. Akin? [Kayarin onebat, basaen so Apocalipsis 12:9.] Ipapaliwawa na sayan magasin no panon tayon protektaan so inkasikatayo diad panalimbeng ed konsiensia tayo.”

Awake! Nob. 8

“Nayarin onabobon kayo a manbibilay itayo ed marawal a panaon. [Kayarin onebat, basaen so 2 Timoteo 3:3.] Mabetbet a nagagawa iray ‘maruksan’ gawa anggan diad loob na pamilya. Sayan artikulon, ‘Help for Battered Women,’ so mangipapaamta na mensahe nipaakar ed ilalo. Nayarin walay kabat yo a nayari yon panginabangan ed satan.”