No Anto so Ibaga Nipaakar ed Saray Magasin

Say Panag-Bantayan Okt. 15

“Moriaen na dakel a totoo a say edukasyon so tombok ed matalonan bilay. Diad padesir yo, wala kasi sakey a klase na edukasyon a makatulong ed sakey pian magmaliw a magmaong a too tan manalona ed saray problema ed bilay? [Abuloyan ya onebat. Insan basaen so Roma 12:2.] Ipapaliwawa na sayan magasin no panon itayon nagunggonaan ed walan sankaabigan ya edukasyon.”

Awake! Okt. 22

“Labalabay na dakel a totoo so manbasa na dyaryo ya inagew-agew lawari. Diad padesir yo, napanmatalkan tayo kasi iray impormasyon a walad saratan? [Abuloyan ya onebat.] Sayan isyu na Awake! so mangiyoopresi na saray suhestion no panon itayon nagunggonaan ed pambasa na saray dyaryo. Ipapanengneng met na saya no akin a kaukolan met so panalwar.” Basaen so Uliran 14:15.

Say Panag-Bantayan Nob. 1

“Dakel a totoo so nagogonigon lapud kaandiay hustisya ed mundo. Diad padesir yo, wala kasi talagan makapanguman ed mundo? [Abuloyan ya onebat.] Sisingbaten na sayan magasin iray babeng ed pananguman. Ipapanengneng met na saya no siopa so manaeg ed saratan tan no panon ton pagmaliwen a peteg a mareen tan maligen so mundo.” Basaen so Salmo 72:12-14.

Awake! Nob. 8

“Diad sankamundoan et abalbaleg so baetan na saray mairap tan mayaman. Diad padesir yo, wala tay nagawaan pian napan-abetan itan a baetan? [Abuloyan ya onebat. Insan basaen so Mateo 6:9, 10.] Ipapaliwawa na sayan magasin no akin a makapankompiyansa itayo ya ekalen na Panarian na Dios so amin ya ag-inkaparepareho a manasalot ed katooan natan.”