No Anto so Ibaga Nipaakar ed Saray Magasin

Say Panag-bantayan Okt. 15

“Panon yon ipaliwawa ed ugugaw odino ed arum no akin a dakdakel so nagagawan mauges natan? [Abuloyan ya onebat.] Say Biblia so mangebat ed tepet a, ‘Siopa so Responsable ed Amin a Kaugsan?’ [Basaen so 1 Juan 5:19.] Sayan isyu na Say Panag-Bantayan so ontulong ed sika a natalosan no siopa itan a mauges tan no panon a sikatoy nasumpa tayo.”

Awake! Okt. 22

“Diad padesir mo, kasin saray pikakasi na saray relihyoson lider odino siopaman ni so makapangitonton ed kareenan ed mundo? [Abuloyan ya onebat.] Isisipan na Biblia so panaon parad sankagloboan a kareenan. [Basaen so Isaias 9:6, 7.] Naimanom ta a walay espisyal a manuley a mangitarok na kareenan ed mundo? Ipanengneng na sayan isyu na Awake! no siopa itan a manuley tan no panon ton itarok so tuan kareenan.”

Say Panag-bantayan Nob. 1

“Maslak ed sikatayo so magunaet a nawalaan na mareen a relasyon ed arum. Balet nayarin onabobon ka a mabetbet a mairap a nagawaan itan. [Abuloyan ya onebat.] Ipapaliwawa na Biblia no akin ya ontan. [Basaen so Santiago 3:2.] Ipanengneng na sayan artikulo no panon a say ikerew na dispensa et sakey a tombok pian nipawil tan namantini so kareenan.”

Awake! Nob. 8

“Ipapabitar na Biblia ya onsabi panaon et anggapo lay mangibagan, ‘Mabeblay ak.’ [Basaen so Isaias 33:24.] Agta agaylan abig itan? [Abuloyan ya onebat.] Balet, natan et papairapen na dakel a sakit so katooan, laktip lay salot na AIDS. Sayan isyu na Awake! so mangebat ed tepet a, Kasin napatunda ni so AIDS?”