No Anto so Ibaga Nipaakar ed Saray Magasin

Say Panag-bantayan Okt. 15

“Dakel a totoo so maniisip ya aliwan kunon segurado so arapen kanian say pinonot da labat la et say bilay natan. Antoy padesir yo? [Abuloyan ya onebat.] Imano yo pa iyay makapainteres ya inkuan nen Jesus. [Basaen so Mateo 6:34.] Ipapaliwawa na sayan magasin no panon tayon niplanoy arapen tan kabansag na satan et napaliisay sobran panaburido.”

Awake! Okt.

“Asali tayo lan amin so inateyan na inadaro. Diad padesir yo, babantayan da itayo kasi manlapud tawen? [Abuloyan ya onebat.] Imano yo pa iyay inkuan nen Jesus sanen inatey si Lazaro. [Basaen so Juan 11:11.] Ipapaliwawa na sayan artikulo no kasin mabilay ni ed sananey a pasen iray inaatey odino nanaugip ira a manaalagar na kioli.” Iparungtal so artikulo ya onggapo ed pahina 28.

Say Panag-bantayan Nob. 1

“Diad padesir yo, agta mas marakep so manbilay diad dalin no mas mapaabeba labat komon iray totoo? [Abuloyan ya onebat.] Imanoen pa so imbaga nen Jesus nipaakar ed sayan kalidad. [Basaen so Mateo 23:12.] Sisingbaten na sayan artikulo so kakanaan na pangipanengneng na kapaabebaan, anggaman uso so kompetisyon ed sayan mundo.”

Awake! Nob.

“Nensaman, niyugali la na saray totoo ya onkonsulta ed Biblia parad panangiwanwan. Balet natan, matalag lay manggagawa na ontan. Antoy nibaga yo ed saya? [Abuloyan ya onebat. Insan basaen so 2 Timoteo 3:16.] Iiter na sayan espisyal ya isyu na Awake! so makakombinsin paneknek a say Biblia et pinuyanan na Dios.”