No Anto so Ibaga Nipaakar ed Saray Magasin

Say Panag-Bantayan Okt. 15

“Panisiaan na arum a totoo a no mas dakel so kuarta ra, mas makapenek so bilay da. Diad padesir yo, tua kasi itan? [Abuloyan ya onebat.] Imanoen pa iyay insulat na sakey a lakin mayamyaman. [Basaen so Eclesiastes 5:10.] Sisingbaten na sayan magasin iray estandarte a mas importante nen say materyal a kayamanan.”

Awake! Okt. 22

“Amta na dakel a totoo so kakanaan na panangipasal ed ananak legan ya ugugaw ni ra. Unong ed obserbasyon yo, nakaukolan kasi iya natan? [Abuloyan ya onebat. Insan ibasa so Uliran 22:6.] Sisingbaten na sayan isyu na Awake! iray espisipikon bengatla a nagawaan na atateng pian natulongan da ray anak da a magmaliw a makalakal tan matalonan adulto.”

Say Panag-Bantayan Nob. 1

“Dakel a totoo so agmanisia a nayarian na saray manuuley a totoo a resolbien iray problema natan. Diad padesir yo, wala kasi siopaman a makagawa ed say nipasakbay ed sarayan bersikulo? [Basaen so Salmo 72:7, 12, 16. Insan abuloyan ya onebat.] Ipapaliwawa na sayan magasin no siopa iyan nipasakbay a manuley tan no anto so gawaen to.”

Awake! Nob. 8

“Agta onabobon kayo a nakaukolan na saray ugugaw so panangiwanwan pian natalonaan da iray desdes a nasasagmak da natan? [Abuloyan ya onebat. Insan basaen so Efeso 6:4.] Uusisaen na sayan magasin so tuan kabaliksan na disiplina. Sisingbaten met na saya no panon a nitarya na atateng so panangiwanwan tan panangorehi ya agmanismaya ed ananak da.”