No Anto so Ibaga Nipaakar ed Saray Magasin

Say Panag-Bantayan Okt. 15

“Dakel a desisyon ya aarapen tayo so mangaapektan tuloy ed bilay tayo. Anto so makatulong ed sikatayo pian napaliisan tayo so agmakabat iran panagdesisyon? [Abuloyan ya onebat. Insan basaen so Uliran 3:6.] Ipaparungtal na sayan paway na Say Panag-Bantayan so limaran nibase ed Biblia a giya a makatulong ed sikatayo ed makabat iran panagdesisyon.”

Awake! Okt. 22

“Kasin naimano yo ya ondarakel so nababalitaan tayoran mikrobyo ya agnapatey na tambal? [Abuloyan ya onebat.] Uusisaen na sayan magasin iray rason tan isusuheri na satan no anto so gawaen tayo pian naprotektaan tayoy inkasikatayo. Sisingbaten met na saya so isisipan na Biblia a mundo ya anggapo lay sakit.” Basaen so Isaias 33:24.

Say Panag-Bantayan Nob. 1

“Asali tayo lan amin so aloko ya aminsan. Kasin nitepet yo la’d inkasikayo, ‘wala ni kasi napanmatalekan ko?’ [Abuloyan ya onebat. Insan basaen so Uliran 3:5.] Ipapaliwawa na sayan magasin no akin a sigpot itayon makapanmatalek ed Dios. Sisingbaten met na satan no panon tayon nadetermina no sioparan totoo so napanmatalkan tayo.”

Awake! Nob. 8

“Saray produkton petrolyo so kaslakan ya uusaren tayo. Kasin naumameng yo la no antoy kipapasen na bilay no anggapo iratan? [Abuloyan ya onebat.] Sisingbaten na sayan magasin no panon a say krudo so importante ed modernon sosyedad. Ipapaliwawa met na satan no akin ya agtayo panaburidoan a nasabi panaon et naupot so suplay na krudo.”