No Anto so Ibaga Nipaakar ed Saray Magasin

Say Panag-bantayan Okt. 15

“Lapud say Dios et walad tawen, iisipen na arum ya imposiblin nakabat so Dios. Ontan met kasi so iisipen yo? [Abuloyan ya onebat. Insan basaen so Juan 17:3.] Isasalaysay na sayan magasin no panon tayon nagamoran so pikakabat ed Dios.”

Awake! Okt.

“Maslak ed sikatayo et naandian lay inad-aro ed bilay lapud ipapatey. Antoy nibaga yo, kasin wala niray nagawaan tayo pian natulongan ira kayari ran ompatey? [Abuloyan ya onebat.] Iter na sayan artikulo so ebat na Biblia ed satan a tepet. Wadia met so sakey a makaligliwan sipan.” Basaen so Juan 5:28, 29. Insan ipanengneng so artikulo ya onggapo ed pahina 10.

Say Panag-bantayan Nob. 1

“Dakel so nandurumaan ya opinyon nipaakar ed panamabaleg ed anak natan. Antoy nikuan yo, posible kasi parad atateng so pakawalaan na napanmatalkan a bilin? [Abuloyan ya onebat. Insan basaen so Salmo 32:8.] Ipaparungtal na sayan magasin so praktikal a bilin ed Biblia nipaakar ed panamabaleg ed anak.”

Awake! Nob.

“Naisip yo la kasi no akin ya alablabas lay kairapan natan anta wala so Dios a maaro, walaan na inkahustisya, tan makapanyari? [Abuloyan ya onebat.] Imanoen pa no anto so ibabaga na sayan kasulatan nipaakar ed sengegan na kairapan. [Basaen so 1 Juan 5:19.] Isasalaysay na sayan magasin manlapud Biblia no anto so gawaen na Dios pian napaandi so kairapan.”