No Anto so Ibaga Nipaakar ed Saray Magasin

Say Panag-bantayan Dis. 15

“Diad sayan tiempo ed taon, maslak a totoo so maniisip nipaakar ed si Jesu-Kristo, balanglan manisia ira ed sikato odino andi. Ibabaga na arum a sikatoy aliwan peteg a persona. Antoy panmoria yo? [Kayarin onebat, basaen so Mateo 16:15, 16.] Maseguro ak a panliketan yon basaen iyan artikulo nipaakar ed ‘Say Peteg a Jesus’ pian amtaen no panon a sikatoy mangaapekta ed sikayo natan tan no panon a mangapekta ed sikayo diad arapen.”

Awake! Dis. 22

“Agkayo ta onabobon a pian magmaliw a maligen so bilay et kaukolan tayo so maligen, napanmatalkan a suplay na tagano? [Abuloyan ya onebat.] Imanoen no anto so insipan na Dios ed totoo to ed panaon na Biblia. [Basaen so Levitico 26:4, 5.] Sisingbaten na Awake! iray kapagaan a nagagawa natan nipaakar ed tagano tayo. Satan met so mangiiter na praktikal iran solusyon tan mangituturo ed panaon sano ipagamor la ed sikatayo na Dios so kaligenan ed interon dalin.”

Say Panag-bantayan Ene. 1

“Kasin panumamengan yo no akin a walaray totoon singa mainawa so kabibilay da bangta arum so mantalikarkar a mananap na pambilay? Walay bengatlan ibabaga na Biblia nipaakar ed saya. [Basaen so Job 34:19.] No panon a getma na Dios a panganggaen la so agpanpapara na kipapasen na panagbilay so nipaliwawa ed sayan magasin.”

Awake! Ene. 8

“Amta tayon amin iyan trahedyan manyeyegyeg ed mundo. Nanlapu la’d saman, kaukolan na totoo so ligliwa tan tulong ed malaknab a paraan. Sayan artikulo, ontan met ed arum ni, so mangisasalaysay ed gagawaen na Tastasi nen Jehova pian tulongan iray akaliktar, saray emergency worker, tan saray inateyan.”