No Anto so Ibaga Nipaakar ed Saray Magasin

Say Panag-bantayan Peb. 15

“Kasin naumameng yo la no anto so sankaabigan a giya ed bilay yo tan ed panggawa na importante iran desisyon? [Abuloyan ya onebat.] Sakey ed sankaabigan a giya, a singa say Binmalitok a Ganggan, so naromog ed Biblia. [Basaen so Mateo 7:12.] Anto niran maridios a prinsipyo so direktan makagunggona ed sikatayo? Naromog yo so ebat ed sayan magasin.”

Awake! Peb. 22

“Nayarin naimano yo la a dakel iran pasen na trabaho so magmamaliw a lalon mapeligro. Sayan magasin so walaan na maabig iran suhestion no panon iratan a pagmaliwen a maligen. Ipapanengneng met na saya a say pankaabigan tayo so nisiglaot ed no kasin walaan itayo na balansin panmoria ed sekular a trabaho. Ipangasin basaen iya.”

Say Panag-bantayan Mar. 1

“Diad amin a nagagawa natan, panduaruwaan na maslak ed sikatayo no anto so itatarya na arapen. Diad bantog a pikakasi, imparungtal nen Jesu-Kristo so rason no akin a matalek itayon makapanilalo ed arapen. [Basaen so Mateo 6:9, 10.] Uuliten na katooan iray lingo ya agawa la nensaman. Balet diad saraman a panaon, saramay nanlingkor ed Dios so awalaan na maliket ya arapen. Ipapanengneng na sayan magasin no panon itayo met a nawalaan na maliket ya arapen.”

Awake! Mar. 8

“Idadanet na Biblia so kaimportantian na maabig ya edukasyon. [Basaen so Uliran 2:10, 11.] Maslak ed sikatayo so makakamoria no panon kaimportante parad ananak so pakawalaan na kualipikado iran managbangat. Ipapabitar na Awake! so importantin betang na saray managbangat, no panon tayon naapresya iray sakripisyo ra, tan no antoray nagawaan na atateng pian tulongan ira ed mairap ya angat ed sikara.”