No Anto so Ibaga Nipaakar ed Saray Magasin

Say Panag-bantayan Abr. 15

“Inerman so panaayaman na totoo, interesado ira ed kaligenan, a singa say pananap tan pakawalaan na maabig a trabaho. Balet kasin naimano yo la a walay lapuan na permanentin kaligenan, a manggawa’d sikayon maligen a magnayon? [Basaen so Salmo 16:8, 9.] Uusisaen na sayan isyu na Say Panag-Bantayan no iner so pakaromogan na peteg a kaligenan.”

Awake! Abr. 22

“Dakel natan so mangipupulisay ed niletneg la ran relihyon pian dayewen so Dios ed dilin paraan da. Antoy nikuan yo ed sayan nagagawa? [Abuloyan ya onebat.] Ipapanengneng na Biblia a talagan importante ed Dios no panon so pandayew tayo ed sikato. [Basaen so Juan 4:24.] Sayan isyu na Awake! so mangibabaga nipaakar ed sankaabigan a paraan pian napenek so espiritual iran pankaukolan yo.”

Say Panag-bantayan Mayo 1

“Wala tay kabat yon graben mansasakit odino maniirap lapud inkabaldado? Maseguron mipakna kayo a kaukolan na saratan so panamaseseg. Balet antoy nibaga tayo pian napaseseg ira? Say Biblia so mangiyoopresi na saray balikas na ilalo. [Basaen so Isaias 35:5, 6.] Ipapaliwawa na sayan isyu na Say Panag-Bantayan no akin a maseguro itayon sayan propesiya so nagawa.”

Awake! Mayo 8

“Legan na apalabas a taon, ngalngalin sigpot a naandi so kareenan ya agni agawa ed kapigan man. Diad padesir yo, kasin walad pakayari na gobierno na too so pangiletneg na kareenan ed mundo? [Kayarin inmebat, basaen so Isaias 2:4.] Ipapanengneng na sayan isyu na Awake! no akin a maseguro itayon say kareenan ed mundo so magano lan nagawa.”