No Antoy Ibaga Nipaakar ed Saray Magasin

Say Panag-Bantayan Set. 15

“Narerengelan na totoo ed sankamundoan so nipaakar ed si Jesu-Kristo. Walaray mangibabagan sikatoy sakey labat a matalonggaring a too. Sikatoy dadayewen na arum bilang Dios a Makapanyarin-amin. Padesir yo, siopa kasi si Jesu-Kristo? [Abuloyan ya onebat.] Ipapaliwawa na sayan magasin no siopan talaga si Jesus, no iner so nanlapuan to, tan no iner lay kawalaan to natan.” Basaen so Juan 17:3.

Awake! Set. 22

“Agnasarag na dakel a totoo so nawalaan na desentin ayaman. Padesir yo, onsabi ni kasi panaon a niwala lay magenap ya ayaman parad amin? [Abuloyan ya onebat.] Walad sayan Awake! so sankabaloan a report nipaakar ed krisis ed paabung. Ipapanengneng met na saya no akin a makapankompiyansa itayo a nasumpal iyan sipan na Dios.” Basaen so Isaias 65:21, 22.

Say Panag-Bantayan Okt. 1

Basaen so tepet ed apis. Insan itepet: “Amta yo ta no anton tanda so tutukoyen na saya? [Abuloyan ya onebat. Insan basaen so Mateo 24:3.] Sisingbaten na sayan isyu na Say Panag-Bantayan so limaran manunan elemento na satan a tanda tan ipapaliwawa na saya no akin a nepeg tayon bidbiren itan.” Ipanengneng so kahon ed pahina 6.

Awake! Okt. 8

“Say panag-abuso ed alkohol et mamapawalay dakel a problema. Ipapanengneng na sayan magasin so epekto na alkohol ed laman. [Ipanengneng so litrato ed pahina 7.] Ibabaga na sayan magasin no panon a nitunda na saray totoo so panag-abuso ed alkohol tan no antoy nagawaan na arum pian makatulong.”