Video a Mangipapabitar ed Importantin Paraan na Peles a Panagtambal
Saray legal tan mangaasikaso na bunigas iran propesyonal so nagkalalon mangiimano ed moral iran panmoria tan kanepegan na saray pasyente. Saya so angiparungtal na balo iran terapi tan metodo a pakagunggonaan na saray Tasi nen Jehova. (Gawa 15:28, 29) Satan so ipapabitar na video a Transfusion-Alternative Health Care—Meeting Patient Needs and Rights. Bantayan itan, insan repasoen no antoy naaralan yo.—Paimano: Lapud nanengneng ed video so antikey iran eksena ed panag-opera, nepeg a magmaliw a maalwar iray atateng sano babantayan da so video a kaiba iray ugugaw nin ananak da.
(1) Akin ya uusisaen lamet na arum a walad medikal a komunidad so panagpasaksak na dala? (2) Mangiter na taloran alimbawa na komplikado iran panag-opera a nagawaan anggan agsaksakan na dala. (3) Kaunongan karakel a doktor tan manag-opera ed sankamundoan so malabay a manambal ed saray pasyente ya agmanguusar na dala? Akin a labay dan gawaen itan? (4) Anto so ipaparungtal na agano nin impanaral na saray ospital nipaakar ed panangusar na dala? (5) Antoray medikal a kapeligroan a mikonektaan ed panagpasaksak na dala? (6) Anto so konklusyon na dakel ya eksperto nipaakar ed saray gunggona ed pangusar na saray alternatibo? (7) Antoy sengegan na anemia? Anggad anto so nayarin pangitepel na totoo ed satan? Antoy remedyo ed satan? (8) Panon a napapeles so idakel na ambalangan-selula ed laman na pasyente? (9) Antoran metodo so uusaren pian naparaisetan so pamparala legan na operasyon? (10) Kasin epektibo so pangusar ed saray alternatibo ed saray ugugaw nin ananak odino ed totoo a nalalanor ed emerhensia a kapepeligroay bilay? (11) Antoray manunan prinsipyo ed moral parad maong a medikal a panangasikaso? (12) Akin ya importante parad saray Kristiano so masakbay lan pandeside no dinan iran alternatibo so awaten da? Panon iyan nagawaan?
Say pangawat ed pigaran panagtambal a niparungtal ed video et sakey a personal a desisyon base’d nipasal ed Biblia a konsiensia na sakey. Kasin denesidi yo la no dinan iray alternatibo a mabulos yon awaten parad inkasikayo tan ed ananak yo? Saray membro na pamilya ya aliwan Tasi so nepeg met a sigpot a napakabatan nipaakar ed saray desisyon yo tan saray rason parad saratan.—Nengnengen so “Tepetepet Manlapud Saray Managbasa” ed Hunyo 15, 2004, tan Oktubre 15, 2000, iran paway na Say Panag-Bantayan.