Kasin Akaparaan Ka no Walay Emergency?
Say sakey ya medical emergency et nayarin bigbiglan nagawa. (Sant. 4:14) Kanian, say makabat a too et manparaan anggad posible. (Uli. 22:3) Kasin akapandesisyon ka la no anto ran medikal a panagtambal tan metodo so awaten mo, tan nisulat mo ta la iraya? Pian natulongan ka, walay intaryan video ya Transfusion-Alternative Health Care—Meeting Patient Needs and Rights, tan say komaduan presentasyon ed sayan DVD et apauloan na Transfusion-Alternatives—Documentary Series. Legan mon babantayan iya, nayarim ya ebatan iray onggendan a tepet. Lapud wala ray antikey ya eksena na panag-opera diad sayan video, nepeg ya nonoten a maong na atateng no ipila da ray ugugaw nin anak da ed pambantay.
(1) Akin ya uusisaen lamet na arum a doktor tan propesyonal ed medikal so panagpasaksak na dala? (2) Mangiter na taloran alimbawa na komplikadon operasyon ya agawaan anggan ag-inusaran na dala. (3) Akin et dakel a doktor tan manag-opera ed sankamundoan so malabay a manambal tan mangopera ya agmanguusar na dala ed saray pasyente? (4) Anto so ipapanengneng na agano nin impansuri ed saray ospital nipaakar ed panangusar na dala? (5) Anto ray medikal a kapeligroan a mikonektaan ed panagpasaksak na dala? (6) Anto so konklusyon na dakel ya eksperto nipaakar ed saray gunggona ed pangusar na saray alternatibo? (7) Antoy sengegan na anemia, tan antoy remedyo ed satan? (8) Panon a napapeles so idakel na ambalangan selula ed laman na pasyente? (9) Anto ran metodo so uusaren pian naparaiset so pamparala legan na operasyon? (10) Nayari kasid saray ugugaw odino ed saray totoon walad kritikal a kondisyon iray alternatibo ed panagpasaksak? (11) Antoy sakey ed saray manunan prinsipyon tutumboken ed maong a panagtambal?
Lapud say pangawat ed saray arum a panagtambal ya impanengneng ed video et based konsiensia, natan ni labat ya anggapo ni emergency et aralen mo la no anton panagtambal so awaten mo tan agmo awaten. Say libron “Panangaro na Dios,” kapitulo 7 tan saray nisitan reperensya ontan met ed say Enero 2007 ya insert na Ministeryo Tayo ed Panarian so makatulong pian makapanggawa na dugan desisyon. Insan, no abautismoan ka la, isulat moy desisyon mo diad DPA card, tan awit mon lanang itan a card.
[Blurb ed pahina 3]
Kasin akapandesisyon ka la no anto ran medikal a panagtambal tan metodo so awaten mo, tan nisulat mo ta la iraya?