Espisyal a Kampanya no Oktubre 16 anggad Nobyembre 12!
1 “Magano lay Panampot na Palson Relihyon!” Saya so tema na Kingdom News No. 37, ya ibunog ed sankamundoan ya onggapo ed ontumbok a bulan. Diad unonan kapalduay bulan na Oktubre, iyopresi tayo iray magasin a Panag-Bantayan tan Awake! Onggapo ed Lunes, Oktubre 16, anggad Simba, Nobyembre 12, mibiang itayo ed malaknab a panangibunog ed Kingdom News No. 37. Diad saray sampot-simba legan na kampanya, iyopresi tayo itan a kalaktip iray peles a magasin.
2 Siopa so Makapibiang: Amin ya aktibon mangipapalapag na maong a balita so sigpot a makapibiang. Arum so nayarin makapan-auxiliary payunir. Kasin walaray ananak yo odino iyaaralan yoy Biblia ya onaaligwas ed espiritual? Tulongan yo iran mitongtong ed saray mamatatken pian naamtaan no kualipikado ira a magmaliw ya agbautismadon manangipalapag. Nepeg a katongtongen na mamatatken iray inaktibo a manangipalapag ta pian pasesegen ira a mibiang, a nayarin piulopen ira ed saray eksperiensyadon manangipalapag.
3 Ipawit ed amin a kongregasyon so suplay na Kingdom News No. 37 ta pian saray manangipalapag tan payunir et makala na tunggal 50 a kopya. No agnausar na arum a manangipalapag so amin a 50 kopya, nayarin usaren na saray regular payunir iray sobran kopya. Saray interesado ya aliwa nin manangipalapag so nayarin makaawat na limaran kopya pian nibunog da iratan ed saray kapamilyaan tan kakaaro ra. Nepeg ya irekord na amin so bilang na kopya a nipalima ra tan isulat da itan ed beneg na report da ed lawak na kimeyan diad sampot na Oktubre tan Nobyembre. Kuentaen na sekretaryo so kompleton bilang na amin a nibunog na kongregasyon tan ireport to itan ed sangan opisina diad sampot na kada bulan. Saray nakeran kopya na Kingdom News kayari na kampanya so nayarin usaren ed antokaman a nengneng na ministeryo.
4 No Anto so Ibaga: Pansiansiaen ya antikey so presentasyon yo, ta pian mas dakel so nabunogan ed sayan mensahe. Nayarin ibaga yon: “Kaiba ak ed sankamundoan a panangibunog ed sayan importantin mensahe bilang serbisyo publiko. Nia so libren kopya yo, tan ipangasin basaen yo.” Walay bentaha no agla mangawit na bag a panagpulong diad pankabkaabungan. Seguroen a nirekord so amin ya aromog ya interesado.
5 No Panon a Kobrian so Teritorya Yo: Imbes ya ibunog so Kingdom News diad karsada, malaknab ya iyapasakey so pampulong diad kabkaabungan tan pasen na negosyo no posible. Isulat iray andi-ed-abung, tan pawilen iratan ed arum ya oras odino agew ed satan a simba. Onggapo ed Lunes, Nobyembre 6, mangitilak na sakey a kopya ed saray andi-ed-abung. Balet, no say kongregasyon et walaan na dakel a teritorya a kobrian legan na nigeter a panaon na panangibunog, nayarin desidien na mamatatken no kasin itilakan na Kingdom News iramay andi-ed-abung legan na interon kampanya.
6 Maples lan manasingger so kaderal na ‘Babilonia a Baleg.’ Nakaukolan ya ompaway la ed sikato iray totoo sakbay a sikatoy sigpot a naderal. (Apoc. 14:8; 18:8) Manplano la natan ed sigpot a pakapibiang ed sayan sankamundoan a kampanya pian nipakabat ed amin a magano lay panampot na palson relihyon!