No Antoy Ibaga Nipaakar ed Saray Magasin

The Watchtower Dis. 1

“Naimano yo ta’n nandurumay estandarte na totoo no kasabi’d kalinisan? [Abuloyan ya onebat.] Nia so sakey a rason no akin ya importante so kalinisan. [Basaen so 1 Pedro 1:16.] Mangiiter iyan artikulo na pigaran praktikal a suhestion no panon a namantini so kalinisan.” Ipanengneng so artikulon onggapo’d pahina 9.

Awake! Dis.

“Kasabi’d sarayan bulan, dakel so manggugunaet a mangigalgalang ed si Jesus. Unong ed sayan bersikulo, antoy nibaga yon sankaabigan a paraan na pamagalang ed sikato? [Basaen so Juan 14:15. Abuloyan ya onebat.] Anggapoy makaamta ed eksakton agew na inkianak nen Jesus, tan nayarin nasurprisa kayo sano naamtaan yo no akin a Disyembre 25 so ginawan petsa parad Krismas.” Ipanengneng so artikulon onggapo ed pahina 10.

The Watchtower Ene. 1

“Diad interon mundo, nandurumay panangipasen na totoo ed kinen Maria ya ina nen Jesus. Sikayo ey, antoy panmoria yo ed sikato? [Abuloyan ya onebat.] Ipapanengneng na Biblia a walay nikabkabiig a betang nen Maria diad awaran. [Basaen so Lucas 1:30-32.] Ibabaga na sayan magasin no antoy naaralan tayo ed ehemplo to.”

Awake! Ene.

“Nanaekatan la so dakel a linok tan ilog ed interon mundo, tan minilyon a totoo et agla makakaala na malinis ya inumen. Diad padesir yo, sarag kasi na too a sigpot a solusyonan iyan problema? [Abuloyan ya onebat. Insan basaen so Jeremias 10:23.] Nabasa yo ed sayan magasin no antoy ultimon solusyon unong ya ibabaga na Biblia.”