Pangaligan Iran Presentasyon

The Watchtower Oktubre 1

“Ipapanengneng mid totoo yay balibalin isyu na Watchtower. [Ipanengneng so arap na magasin.] Iisipen na arum ya totoo ya panagdarak labat na panaon so pampikasi, ta anggapo met lanlamang so ondedengel. Wala ra balet so manisian dedengelen na Dios so pikakasi ra. Sikayo balet ey? [Abuloyan ya onebat.] Imano yo pa yay ibabaga na Biblia ed pampikasi. [Basaen so Isaias 30:19.] Sayan magasin et mangiter na ebidensyan dedengelen tan eebatan na Dios iray pikakasi ya gagawaen ed dugan paraan tan no duga iray kekerewen.”

Onliing! Oktubre-Disyembre

“Maslak et mangibagan kaukolan tayoy kuarta pian manbilay. Balet panon to no say sankanonot tayon lanang et kuarta? [Abuloyan ya onebat.] Imano yo pa yay ibabaga na Biblia. [Basaen so 1 Timoteo 6:9.] Ipapaliwawa na sayan magasin no panoy dugan pangipasen tayod kuarta.”