Wega di Placa Ta Pica?

E contesta cu Bijbel ta duna

Aunke Bijbel no ta papia specificamente tocante wega di placa, e principionan cu tin den dje ta laga nos compronde cu Dios ta mira wega di placa como pica.​—Efesionan 5:17.a

• Hende ta hunga wega di placa pa motibo cu nan ta golos y Dios ta odia esaki. (1 Corintionan 6:9, 10; Efesionan 5:3, 5) Hende cu ta gamble kier haya e placa cu otronan ta perde, pero Bijbel ta condena cudishi, esta, e deseo di haya cos di otro hende.​—Exodo 20:17; Romanonan 7:7; 13:9, 10.

• Wega di placa, hasta pa sumanan chikito, por duna bo un amor destructivo pa placa.​—1 Timoteo 6:9, 10.

• Hende cu ta gamble hopi bes ta kere den supersticion of ta depende riba suerte. Pero Dios ta mira esey como un acto di idolatria cu ta bay contra e adoracion na dje.​—Isaias 65:11.

• En bes di promove un deseo di haya cos por nada, Bijbel ta anima nos pa traha duro. (Eclesiastes 2:24; Efesionan 4:28) Esnan cu ta sigui e conseho aki di Bijbel por “come cuminda cu nan mes a traha p’e.”—2 Tesalonicensenan 3:10, 12.

• Wega di placa por pone bo haya un actitud competitivo, y Bijbel no ta aproba esaki.​—Galationan 5:26.