LOKE BO POR HASI ORA PREIS SUBI
Sigui Karga Speransa
E preisnan kaminda bo ta biba a subi miéntras ku bo salario a keda meskos? Bo ta preokupá pasobra bo no sa si lo bo por pèrkurá pa bo mes i pa bo famia? Si ta asina, kisas bo ta anshá tokante futuro. Pero, asta ora bo situashon ta difísil, ta importante pa bo sigui karga speransa.
DIKON ESEI TA IMPORTANTE
Hende ku tin speransa no ta djis sinta warda pa kos bon sosodé. Speransa ta motivá nan pa tuma akshon i hasi lo mihó ku nan por pa drecha nan situashon. Por ehèmpel, vários investigashon ta mustra ku hende ku tin speransa . . .
mayoria biaha ta trata mihó ku problema
por hasi kambio ora esei ta nesesario
ta tuma bon desishon ku ta yuda nan ta mas salú i biba mihó
LOKE BO POR HASI
Promé, wak kon Beibel por yuda bo awendia. Beibel tin vários konseho práktiko ku por yuda bo ora preis subi. Si bo apliká e konsehonan ei, lo bo tin mas kontrol riba bo bida i lo bo ta mihó prepará pa enfrentá problema den futuro.
Di dos, wak loke Beibel ta bisa tokante futuro. Ora bo mira ku Beibel ta duna bon konseho, lo bo haña mas gana di sa loke e ta bisa tokante futuro. Por ehèmpel, lo bo siña ku Dios no solamente ke pa bo tin “un speransa i un bon futuro,” pero tambe el a duna bon motibu pa kere den e speransa ei. (Yeremías 29:11) E motibu ta e Reino di Dios.
KIKO E REINO DI DIOS TA, I KIKO LO E HASI?
E Reino di Dios ta un gobièrnu ku lo goberná henter tera. (Dánièl 2:44; Mateo 6:10) Lo e goberná for di shelu, lo e kaba ku sufrimentu i pobresa i tur hende lo biba na pas. Ademas, nan lo tin tur loke nan mester pa nan ta felis, manera e siguiente tekstonan ta mustra.
Miónes di hende ta konfia den e promesanan ei, i nan ta konvensí ku Dios “no por gaña.” (Tito 1:2) Dikon bo no ta wak pa bo mes kiko Beibel ta siña?