Ofresiendo Literatura den un Teritorio Multilingwe
1 Awor a bira ku den vários teritorio nos ta haña hende di otro pais tambe. Hopi di e personanan aki ta siña e bèrdat muchu mas lihé i ta haña un komprondementu mas profundo ora nan wòrdu siñá den nan idioma materno. Ki areglonan tin pa hende interesá por haña literatura bíbliko den e idioma ku nan ta komprondé mihó?
2 Ki Ora Mester Ofresé Literatura: Si dos òf mas kongregashon di diferente idioma ta traha e mesun teritorio, e respektivo kuerponan di ansiano mediante e superintendentenan di sirbishi lo traha huntu pa establesé areglonan ku ta aseptabel pa kada kongregashon enbolbí ya asina kada grupo di idioma por duna testimonio kabalmente. Normalmente, ora publikadónan ta duna testimonio informal òf ta prediká den áreanan públiko, nan por ofresé literatura den e idiomanan ku e komunidat ta papia.—Wak Kaha di Pregunta den Nos Ministerio di Reino na spañó di òktober 1990.
3 Sa sosodé ku ora nos ta traha di kas pa kas, un doño di kas ta pidi literatura na idioma di otro kongregashon. Sin embargo, esaki no ta nifiká sí ku e publikadó mester bai kondusí studio di Beibel na e idiomanan aki. En bes di esei, e mester informá e sekretario tokante personanan ku ta interesá pa studia den e idioma di un otro kongregashon. I e, na su turno, lo perkurá pa e informashon aki yega na e kongregashon ku ta asigná ku personanan di e idioma ei. Anto nan por pidi un publikadó kapas di e kongregashon ei pa sigui yuda e persona interesá.
4 Ki Ora Mester Tin Literatura na Stòk: Kiko por hasi ora ku tin un poblashon grandi di hende di un idioma stranhero den un área, pero no tin ningun kongregashon ku ta papia e idioma ei? Bou di e sirkunstansianan ei, e kongregashonnan por stòk un kantidat chikí di literatura básiko ku ta disponibel den e idioma ei, manera tratado, e foyetonan Rekerí i Amigu di Dios, i e buki Conocimentu. Publikadónan por ofresé e literatura aki ki ora ku nan topa hende ku por lesa e idioma ei.
5 Kon pa Bestèl Literatura: Si un kongregashon no tin stòk di literatura na e idioma ku un persona interesá ta lesa, kon nos por haña literatura na e idioma ei? E publikadó mester chèk serka e sirbidó di literatura kua publikashonnan ta disponibel na e idioma ei pa asina por bestèl e artíkulonan nesesario den e siguiente pedido di literatura di kongregashon.
6 Laga nos hasi bon uso di publikashonnan kristian pa yuda “tur hende,” sin importá nan idioma, ‘yega na un konosementu eksakto di e bèrdat i ser salbá.’—1 Tim. 2:3, 4.
[Study Questions]
1. Dikon hopi kongregashon tin mester di literatura den un idioma stranhero?
2. Ki koperashon ta nesesario ora dos òf mas kongregashon di diferente idioma ta traha e mesun teritorio?
3. Kiko nos mester hasi si un persona interesá kier studia na un idioma di un otro kongregashon?
4. Ki ora un kongregashon ta tene un stòk di literatura na idioma stranhero?
5. Kon nos por haña literatura na un idioma ku e kongregashon no tin na stòk?
6. Ku ki meta nos ta laga publikashonnan kristian?