Kiko Nos Por Bisa di e Revistanan

E Toren di Vigilansia 1 di Mei

“Bo a yega di puntra bo mes dikon Dios ta permití sufrimentu? [Permití e persona kontestá.] Wak kon un eskritor di Beibel a hasi e pregunta ku hopi hende ta hasi nan mes. [Lesa Salmo 10:1.] E revista akí ta duna un splikashon bíbliko dikon Dios ta permití sufrimentu i kiko e ta hasi pa alivi’é.”

¡Despertad! Mei

“Bo ta kere ku ekonomia lo drecha pronto? [Permití e persona kontestá.] Hopi hende no sa kon Beibel por yuda nan durante e tempunan difísil akí. [Lesa un teksto bíbliko ku tin den e artíkulo.] E artíkulo akí ta mustra kon konseho di Beibel por yuda nos trata ku e situashon ekonómiko insigur.” Hala atenshon na e artíkulo ku ta kuminsá na página 18.

E Toren di Vigilansia 1 di Yüni

“Awe hopi iglesia no ta papia di piká manera nan tabata hasi algun aña pasá. Abo ta kere ku piká ta un konsepto antikuá, òf e ta algu ku nos mester preokupá kuné? [Permití e persona kontestá. Despues lesa Romanonan 5:12.] E revista akí ta mustra kiko Beibel ta bisa tokante piká.”

¡Despertad! Yüni

“Ta parse ku dia pa dia tin mas i mas kos ku ta duna hende strès. Bo ta di akuerdo ku esei? [Permití e persona kontestá.] Hopi hende ta pensa ku e palabranan akí ta splika un di e motibunan dikon tin asina tantu strès. [Lesa 2 Timoteo 3:1.] E revista akí ta splika kon strès ta afektá nos. I tambe e ta duna nos algun tep tokante kon pa tene strès bou di kontròl.”