“Kuantu Ora Mi Mester Konta?”

Abo a yega di hasi bo mes e pregunta akí? Bo por haña instrukshon tokante e tópiko akí na página 85-⁠87 di e buki Organisá. Tin biaha sa duna mas instrukshon, manera den e Kaha di Pregunta den Nos Ministerio di Reino di sèptèmber 2008. Siendo ku sirkunstansianan ta varia, no a traha un lista largu di regla riba e tópiko akí. P’esei no ta apropiá pa ansianonan òf otro hende duna instrukshon adishonal enkuanto esaki.

Si lanta un pregunta ku no tin instrukshon tokante dje, un publikadó lo por hasi su mes e siguiente preguntanan: Mi a dediká e tempu ku mi ke yena riba mi rapòrt solamente na sirbishi? Òf mi a usa e tempu pa hasi algu otro ku realmente no tin nada di haber ku sirbishi? Loke nos ta yena riba nos rapòrt di sirbishi tur luna mester duna nos goso i no un mal konsenshi. (Echo. 23:⁠1) Ta klaru ku nos preokupashon prinsipal no ta kon pa konta nos ora, sino kon pa usa nos tempu na un manera efikas, trahando diligentemente den sirbishi.​—⁠Heb. 6:⁠11.