Introdukshon
Tardi òf trempan, nos tur por pasa den un situashon difísil. Nos por haña un malesa, un aksidente, sufri pa motibu di un desaster natural òf bira víktima di violensia.
Hopi hende ke haña sa dikon nos ta sufri.
Tin hende ta pensa ku nos ta sufri pa motibu di destino. Nan ta bisa tambe ku nos no por hasi muchu pa evitá sufrimentu.
Otro hende ta kere den karma. Nan ta bisa ku nos ta sufri pasobra nos a hasi algu malu den e bida aki òf den e bida anterior.
Hopi biaha, hende ku ta sufri ta hasi vários pregunta ku nan no por haña kontesta p’e.