Asisti ne Congreso di Districto “Temor Piadoso”!
Bo a haci plan ainda pa asisti ne Congreso di Districto “Temor Piadoso” di Testigo di Jehova di 1994? Siguramente, lo bo beneficiá si bo ta presente tur tres dia! Cu 165 congreso programá pa América so, i cuater na Antillas, probablemente lo tin un congreso cerca bo lugar di biba.
Cierto miedu por saboteá curashi i destrui speranza, sin embargo, e discurso principal diabierne maínta lo splica e nificacion di temor piadoso i e cantidad di beneficio cu e ta duna. Realmente, henter e programa dje congreso lo enfatizá tal beneficio.
Diabierne atardi bo por tende con temor piadoso por fortalece matrimonio i bida di famía, i també con e por yuda hovenan para firme den nan lealtad na Dios. E sesion djatardi lo conclui cu e presentacion animador di curazón “Consuelo pa esnan cu a perde un ser kerí.” Lo bo aprecia e informacion práctico presentá durante e discurso pa yuda esnan cu a perde un hende stimá den morto.
E programa di diasabra lo mustra con temor piadoso por fortalece nos pegamento ne guía di Jehova en relacion cu e congregacion i nos ministerio. Den e discurso “Leza Dios su Palabra, e Bijbel Santo, diariamente,” delegado lo recibi sugerencia práctico pa leza i studia e Bijbel. E programa di diasabra lo conclui cu e discurso riba e tema inspirador di interés “Jehova su dia inspirador di temor ta cerca.”
Un rasgo dje programa di diadomingo ta e discurso “Lo tin un resureccion dje hustunan.” Den e sigiente discurso, “Conserbá bibo através dje tribulacion grandi,” lo tin un splicacion dje promesa maraviyoso di Jesús tocante hende cu lo no muri nunca.—Juan 11:26.
E sesion di diadomingo maínta lo conclui cu e drama di 40 minut estimulante di pensamento titulá E decisionnan cu abo ta enfrentá. Esei lo hiba e auditorio ne dia di Hosué pe mira su determinacion firme pa sirbi Jehova. També, lo tin un presentacion dje prueba di candela di tempo di Elías, i les lo ser sacá for dje dos suceso pa yuda delegado demonstra temor piadoso awe. Den atardi, e discurso público, “Pakico teme e Dios berdadero awor,” lo ser un parti sobresaliente dje congreso.
Haci plan awor pa asisti. Pa haya e sitio mas cerca bo cas, haci contacto cu e Salón di Reino di Testigo di Jehova local of skirbi publicador dje revista aki. E número di Despertad! di 8 di Juni també lo tin un lista di direccion di tur sitio di congreso den América, Canadá, Inglaterra, i Irlanda.
[Caption on page 32]
T. Rosenthal/SUPERSTOCK