Congreso pa 1996 “Mensaheronan di Pas Divino”

DEN tempu antiguo e pueblo di Jehova a celebrá tres festival principal anualmente. Di igual manera, den tempu moderno e pueblo cu ta carga Jehova su nomber ta reuní tres biaha pa aña pa ocasionnan festivo. Nan ta disfrutá di reuní huntu pa e dia special di asamblea di un solo dia, e asamblea di circuito di dos dia, i e congreso di districto di tres of cuater dia. E aña aki, e tema p’e congreso di districto ta “Mensaheronan di Pas Divino.”

Ki apropiado e tema ei ta! Nos Dios, Jehova, ta “e Dios di pas,” sí, “e Dios cu ta duna pas.” Nos Lider, Jesucristo, ta e “Prins di Pas,” i e mensahe cu sirbidornan di Jehova ta trece ta un mensahe di pas divino. (Filipensenan 4:9; Romanonan 15:33; Isaías 9:6; Nahum 1:15) Un excelente programa di congreso a ser hincá den otro cu lo yuda tur persona apreciá mas plenamente e importancia di pas divino.

E aña aki na Antianan Hulandes i Aruba lo tin 5 congreso. Probablemente, lo tin un congreso cerca caminda bo ta biba. Pakico no puntra Testigonan di Jehova den bo becindario tocante e sitio i fecha exacto unda lo e ta anto planea pa asistí? Tur persona cu ta interesá den pas berdadero i duradero lo ricibí un caluroso bon biní.