Bonbiní ne Asamblea di Districto “Temor Piadoso”!

SÍ, E tempo casi a yega pa asamblea di districto di Testigo di Jehova di 1994. For di Juni di 1994 te na Januari di 1995, hende lo scucha e programa dje asamblea di tres dia den cientos di stad rond di mundo​—⁠promé na Nortamérica, anto na oost i west di Europa, Asia, Centro i Suramérica, Africa, Australia, i isla di lamá.

Ki un tema pa provoca pensamento​—⁠“Temor Piadoso”! Esei no ta e miedu di cobardía di hende ora nan bida ta den peliger, sino ta e temor di Dios, un temor cu ta duna trankilidad mental i gozo. E proverbio bíblico ta bisa: “E resultado di humildad i e temor di Jehova ta riqueza i gloria i bida.” (Proverbio 22:⁠4) Con e temor di Dios por resulta den “riqueza i gloria i bida”? Esei lo sali na cla durante e desaroyo dje tema dje asamblea di tres dia yená cu discurso, conferencia, demonstracion, i un drama.

Apóstol Pablo a skirbi pa nos no ‘bandona reunimento di nos hunto.’ (Hebreo 10:25) Testigo di Jehova ta tuma esei na pecho, ta reuni tres bez pa siman pa estudio i adoracion dje congregacion. Sin embargo, e asamblea anual di districto ta special. Testigo di Jehova ta speré cu anticipacion i ta papia tocante dje pa varios luna despues. Nos ta invitábo calorosamente, sea cua sea bo religion, pa reuní cu nan den nan asamblea i disfruta di caloroso compañerismo cristian i informacion spiritual vital. Un miembro dje congregacion local di Testigo di Jehova lo keda contentu pa bisábo e lugar i e tempo unda e asamblea mas cerca bo lo ser celebrá.

[Caption on page 32]

Bo kier recibi un bishita?

Asta den e mundo aki yen di dificultad, bo por gana felicidad pa medio di conocimento bíblico exacto di Dios, di su Reino, i di su maraviyoso propósito pa humanidad. Si bo kier recibi mas informacion of ta gusta pa un hende bishitábo pa conduci gratis un estudio bíblico di cas cu bo, haci fabor di skirbi Watchtower, P.O. Box 4708, Curaçao, N.A., of na un direccion apropiado den e lista riba bladji 2.