Programa Nobo di Dia Special di Asamblea
1 “Sea Personanan Siñá pa Jehova” ta e tema p’e programa nobo di dia special di asamblea di september padilanti. (Juan 6:45) Siñansa divino for di Jehova berdaderamente ta yuda nos hiba un bida satisfaciente. E ta desaroyá den nos un aprecio profundo pa nos herencia spiritual. Nos esfuersonan pa yuda otronan tende e bon nobo ta haci nos miembronan útil di sociedad. E dia special di asamblea aki lo resaltá e bendicionnan cu personanan siñá pa Jehova ta disfrutá di dje.
2 E programa lo haci contraste entre e beneficionan di siñansa divino cu e peligernan di educacion mundano. Nos lo mira mas claramente con Jehova ta percurá e educacion dje calidad di mas haltu—educacion basá riba su Palabra, e Bijbel. Lo enfatisá tres área di adoracion den cua nos ta experenciá deleite dor di ser siñá pa Dios. Ademas, lo animá hóbennan pa imitá ehempelnan bíblico sobresaliente manera David i Timoteo i pa edificá nan bida rond di actividadnan spiritual. Nos fe lo ser fortalecé segun cu resaltá tambe e lealtad di esnan di mas edad. Esnan recien dedicá cu ta cualificá lo por ser bautisá. Hopi promé cu e dia di asamblea, nan mester informá e superintendente presidente di e deseo ei.
3 E discurso principal dje dia special di asamblea ta titulá “Siñá pa Jehova pa Haci Su Boluntad.” Lo e enfatisá e motibunan pakico nos tur tin cu sigui siña, pa bira stabilisá den e fe, i pa sigui haci progreso. Nos lo ser instá pa imitá Jehova dor di siña otronan e berdad cu ta hiba na bida eterno. Experencianan edificante lo ser incluí pa mustra con e publicacionnan di Sociedad a yuda hopi hende ser siñá pa Jehova. Lo resaltá e logronan positivo di Jehova su programa mundial di educacion.
4 Traha plannan definitivo pa asistí. Animá tur esnan interesá pa ta presente. Spera ansiosamente pa siña hopi cos bon cerca nos Gran Instructor.—Isa. 30:20.