Programa Nobo pa Dia Special di Asamblea

E areglo pa percurá pa dianan special di asamblea a cuminsá na 1987. E reunionnan aki di un dia a resultá di ta edificante pa sirbidónan di Jehova i pa hende interesá cu asistí. Di september 1998 padilanti, lo presentá un programa nobo di dia special di asamblea. Lo bo haña e nuebe discursonan i e hopi entrevista i experencianan spiritualmente beneficioso.

“Mustra Aprecio pa Jehova Su Mesa” ta e tema dje programa nobo. (Isa. 65:14; 1 Cor. 10:21) E programa lo fortalecé nos decision pa pone adoracion di Jehova na promé lugá den nos bida. (Sal. 27:4) E parti dje superintendente di circuito lo trata cu “Examiná e Inclinacionnan di Nos Curason” pa loke ta asistencia na reunion. Un orador invitá lo mustra nos con pa “Mantené Spiritualidad dor di Come na Jehova Su Mesa.” Tambe lo duna animacion práctico na hóbennan den Jehova su organisacion pa keda firme den sirbi Dios. E discurso principal dje orador invitá, titulá “Fortificá Spiritualmente pa Duna Testimonio cu Curashi,” lo mustra con e percuracionnan hací via e congregacion ta ekipá nos pa duna testimonio tocante e Reino cu curashi. Ken lo no kier beneficiá dje programa aki?

E personanan recien dedicá cu ta deseá di bautisá mester informá e superintendente presidente mas pronto posibel. Nos tin sigur cu, bayendo p’e di 12 aña dje areglo di dia special di asamblea, tur hende cu asistí lo ser animá spiritualmente pa e trabou nos dilanti.