“Kuminda na Su Debido Tempu”

¹ Despues di asistí na un dia spesial di asamblea, hopi biaha nos ta bisa, “Esei ta nèt loke nos tabatin mester!” Un superintendente di sirkuito a bisa ku despues di un di e último programanan, algun ruman den su sirkuito a ekspresá nan deseo di ke partisipá mas tantu den sirbishi. Un superintendente biahero a bisa: “E ta yuda nos pensa kla den ki tempu nos ta bibando i reevaluá nos eskoho den bida.” Un otro superintendente biahero a bisa: “Vários publikadó a ekspresá ku e asamblea tabata un bon rekordatorio pa nan hasi sigur di enfoká riba loke ta mas importante, e ministerio.” Kon e último dia spesial di asamblea a yuda abo?

² E programa di e aña di sirbishi binidero tambe lo ta nèt loke nos tin mester. E tema ta ‘Tuma Refugio den Yehova,’ basá riba Salmo 118:8 i 9. At’akí algun di e temanan: “Yehova Ta un Fortalesa pa Nos den Tempu di Angustia,” “Yuda Otro Hende Haña Refugio bou di Yehova Su Ala,” “Imitá Yehova i Perkurá Refugio,” “Hóbennan, Konfia den Yehova!” i “Nos Paradeis Spiritual Ta Yehova Su Provishon di Refugio.”

³ Kon Nos Por Saka Benefisio? Asina ku nan anunsiá e fecha di e dia spesial di asamblea, traha plan pa bo asistí i invitá bo studiantenan di Beibel. Pa nos por produsí “fruta ku perseveransia,” nos mester keda kòrda loke nos a tende. (Luk. 8:⁠15) Pues, skucha e programa ku atenshon, hasi anotashon breve tantu di puntonan prinsipal komo di instrukshon ku bo tin pensá di apliká den bo bida i den sirbishi. Komo famia, dediká tempu despues di asamblea pa papia riba e programa i konsiderá maneranan spesífiko ku tantu abo komo bo famia por apliká e informashon.

⁴ Meskos ku un kuminda delisioso i nutritivo, a prepará e dia spesial di asamblea ku hopi amor i dedikashon. Ku Yehova bendishoná boso esfuerso pa asistí i benefisiá di e “kuminda na su debido tempu” ku a ser prepará pa alimentá ministernan kristian.​—⁠Mat. 24:⁠45.

[Preguntanan di Estudio]

1. Kon e último programa di dia spesial di asamblea a yuda abo i otronan?

2. Ki tópikonan e programa di e siguiente aña di sirbishi lo trata?

3. Kon nos por benefisiá plenamente di e dia spesial di asamblea?

4. Dikon nos mester spera ansiosamente riba nos binidero dia spesial di asamblea?