E Palabra di Dios Ta Poderoso
1. Kiko ta e tema pa e dia spesial di asamblea pa e aña di sirbishi 2014?
1 Beibel ta diferente for di tur kos ku a originá ku hende imperfekto. E tin e poder pa kambia nos, pa pone nos pensamentu- i kamindanan na armonia ku e boluntat di Yehova. Pero, kon poderoso e Palabra di Dios ta? Kon nos por hasi pleno uso di su poder den nos bida? Kon nos por us’é na un manera mas efikas pa yuda otronan? Nos ta sigur ku tur hende lo ser edifiká spiritualmente segun ku e puntonan akí ta ser tratá durante e programa di dia spesial di asamblea prepará pa e aña di sirbishi 2014. Su tema ta “E Palabra di Dios ta Poderoso” i e ta basá riba Hebreonan 4:12.
2. Nos mester skucha pa haña kontesta pa kua preguntanan?
2 Haña Kontesta pa e Preguntanan Akí: Segun ku bo ta skucha e programa, hasi anotashon di e kontesta pa e preguntanan aki bou.
• Dikon nos mester tin konfiansa den Yehova su Palabra? (Sal. 29:4)
• Kon nos por eksperensiá e poder di e Palabra di Dios den nos bida? (Sal. 34:8)
• Kon bo por hasi bon uso di e poder di e Palabra di Dios den sirbishi? (2 Tim. 3:16, 17)
• Kon nos por evitá di bira víktima di e poder engañoso di e mundu di Satanas? (1 Huan 5:19)
• Hóben, kon bo por tin éksito den bo sirbishi na Dios? (Yer. 17:7)
• Kon nos por bira poderoso asta ora nos ta débil? (2 Kor. 12:10)
• Kiko ta e klave pa e Palabra di Dios por sigui transformá nos, aunke nos tin ku lucha ku aktitut i kustumbernan fuertemente ankrá? (Efe. 4:23)
3. Ademas di skucha e programa, kon mas nos por benefisiá di e dia spesial di asamblea?
3 Nos lo benefisiá masha tantu mes di e informashon importante akí! Ademas, e dia spesial di asamblea, meskos ku e asamblea di sirkuito i kongreso di distrito, lo duna nos e oportunidat pa habri nos kurason hanchu i gosa di asosiashon ku nos rumannan di otro kongregashon. (Sal. 133:1-3; 2 Kor. 6:11-13) Pues, traha tempu pa asosiá ku bo amigunan bieu i pa forma amistat nobo. Si un oradó bishitante, manera un superintendente di distrito òf un ruman di Bètel, ta asigná na boso dia spesial di asamblea, pakiko no probechá di e okashon pa duna tantu e komo su kasá un bonbiní? Sí, nos tin hopi motibu pa anhelá e binidero dia spesial di asamblea!