Traha Bo Teritorio Cabalmente
1 Den áreanan residencial de bes en cuando nos ta topa un negoshi chikitu, manera un toko, restaurant of tienda chikitu. Si e establecimentunan aki ta ser cubrí huntu cu e resto di e teritorio aki, bo mester bishitá nan mescos cu e residencianan.
2 Bo por usa un presentacion simpel i breve, kisas bisando: “Mi tin algu cu lo mi kier a mustrá bo.” Si e doño dje negoshi ta parce ocupá n’e momento ei, lo bo por djis ofrecé un tratado i bisa: “Lo mi pasa bek atrobe ora cu bo no ta asina ocupá. Lo mi kier sa kico bo ta pensa dje tratado aki.”
3 No tin nodi sinti temor pa testificá na doñonan di negoshi. Un publicador a informá: “Mi a spera cu e reaccion lo ta negativo. Sin embargo, pa mi sorpresa, e reaccion n’e mensahe di Reino tabata net lo contrario. Nan tabata berdaderamente cortes i amigabel i casi semper a aceptá e revistanan.”
4 Un señora trahando na un compania di compra i benta di propiedad a invitá e Testigonan den su oficina. El a tuma e revistanan i a expresá interes pa haña un studio di Bijbel. E rumannan a mustr’é e buki Conocimentu, i a cuminsá un studio mesora, ei mes den su oficina!
5 E asignacion pa traha bo teritorio cabalmente ta incluí bishitá e hendenan cu ta manehá negoshinan den bario. (Echo. 10:42) Planea pa yama n’e portanan aki mescos cu na casnan privá. Asina aki no solamente lo cubri bo teritorio mas cabalmente pero tambe bo por ser recompensá cu algun experencia agradabel!