Caha Di Pregunta

◼ Kico nos mester tene na mente ora di skirbi carta na doñonan di cas cu nos no por a haña na cas?

Pa vários motibu, ta mas i mas difícil pa nos haña contacto cu hende ora nos bishitá nan cas. Algun publicador a ripará cu skirbiendo carta ta un manera práctico pa alcansá e hendenan. Maske esaki por producí algun bon resultado, ta necesario pa considerá algun recordatorio cu por yuda nos evitá algun dificultad:

No usa e adres di Sociedad como remitente. Esaki lo indicá incorectamente cu e carta a ser mandá for di nos oficinanan, causando problemanan innecesario i tin biaha extra gastu.

Haci sigur cu bo tin e adres corecto dje doño di cas i cu bo a pone suficiente stampia.

No dirigí cartanan na “Ocupante”; usa un nomber specífico.

No hinca e cartanan den porta ora no tin ningun hende na cas.

Cartanan breve ta mihó. Incluí un tratado of un revista en bes di purba skirbi un mensahe largu.

Cartanan skirbí na typemachine ta hopi mas fácil pa lesa i ta duna un mihó impresion.

No ta conta cartanan como rebishita aménos cu bo a testificá personalmente na e persona anteriormente.

Si bo ta skirbiendo un persona cu anteriormente a mustra interes, bo mester pone un adres of number di telefon di manera cu e por tuma contacto cu bo. Splica nos programa di studio di Bijbel.

Extendé un invitacion pa bin n’e reunionnan dje congregacion local. Mencioná e adres i oranan di reunion.

No sigui manda carta na esnan no-na-cas despues cu bo entregá e teritorio; e publicador cu n’e momento ei tin e teritorio ta responsabel pa trah’é.