2.200!

Esei ta e cantidad di publicadó cu nos lo tin gana di mira riba e raport di augustus 1998 pa Aruba, Kòrsou i Boneiru huntu. Nos tin e potencial pa logra esei? Sí! Nos conteo actual dje 29 congregacionnan riba e tres islanan ta mustra cu tin un total di 2.182 publicadó. Sin embargo, e máximo di tur tempu di publicadó cu a raportá den un luna tabata 2.196 publicadó na april 1996. Con nos por surpasá e cantidad récord ei? Nos por hacié si cada publicadó den congregacion haci areglo definitivo pa participá den e ministerio durante augustus i raportá e actividad ei mesora na fin di luna. Ya cu e promé dos dianan dje luna ta un diasabra i un diadomingo, pakico no traha plan pa participá den sirbishi di veld cuminsando e fin di siman ei? Si bo tin cu asistí na un congreso, lo bo por duna poco testimonio informal den e stad unda e congreso ta ser tené i despues participá cu e congregacion den sirbishi di veld e siguiente fin di siman. Dor di cuminsá trempan den e luna, nos lo no keda sin dedicá tempu n’e trabou di predicá durante augustus. Cu esfuerso uní, nos lo mester mira un máximo nobo di publicadó cu ta surpasá e marca di 2.200 pa promé bes p’e tres islanan. Ki un gritu di alabansa na Jehova esei lo ta!—Sal. 47:1.