Hóbennan—Probechá di Boso Educacion
1 Con bo ta sinti pa bai scol bek despues di vakansi grandi? Bo ta ansioso pa beneficiá di un aña mas di educacion? Lo bo probechá dje oportunidadnan cu scol ta duná bo, pa compartí e berdad cu bo compañeronan di klas i e maestronan? Nos tin sigur cu lo bo kier haci bo best na scol.
2 Sea un Bon Studiante: Si bo ta bon prepará pa bo lesnan i ta paga bon tinu den klas, lo bo saca beneficionan duradero. Sea diligente den traha huiswerk, pero no permití bo lesnan di scol stroba bo actividadnan teocrático.—Fil. 1:10.
3 Cuminsá e aña escolar nobo cu lesa e foyeto Testigonan di Jehova i Educacion. Anto, abo of bo mayornan mester duna cada un di bo maestronan un ehemplar. Laga nan sa cu lo bo ta dispuesto pa contestá cualkier pregunta cu nan por tin. Esaki lo yuda nan comprendé bo principio i creencianan mihó i cooperá cu bo ora bo ta aplicá loke bo a siña. Tambe e foyeto lo sigurá bo maestronan cu abo i bo mayornan kier cooperá cu nan, segun nan ta yudá bo haña un educacion balioso.
4 Duna un Bon Testimonio: Pakico no mira scol como bo teritorio personal pa duna testimonio informal? Durante e binidero aña escolar, lo bo tin oportunidadnan único pa duna testimonio. Bo tin un conocimentu spiritual maraviyoso, i ora bo compartié cu otro hende, bo por “salba tantu bo mes como esnan cu ta scuchá bo.” (1 Tim. 4:16) Dor di mantené un conducta cristian ehemplar i dor di duna testimonio ki ora cu ta apropiado pa haci esei, lo bo beneficiá tantu bo mes como otronan.
5 Un ruman homber hóben a duna testimonio informal na otro alumnonan di su scol. Entre esnan cu a reaccioná faborablemente tabatin un católico, un ateista cu tabatin custumber di haci bofon di hende cu ta kere den Dios, un hóben cu tabata huma sin fin i un bebedó pisá. Na tur, e ruman hóben aki a yuda 15 di su pareunan yega na dedicacion i bautismo!
6 P’esei hóbennan, dedicá boso mes na siña i na traha boso teritorio único. E ora ei boso lo saca e beneficio mas grandi for di bai scol.