E Scol di Ministerio Teocrático pa 2001
1 Tin basta motibu bíblico pakico nos tur mester participá mas pleno posibel den e Scol di Ministerio Teocrático.—Pro. 15:23; Mat. 28:19, 20; Echo. 15:32; 1 Tim. 4:12, 13; 2 Tim. 2:2; 1 Ped. 3:15.
2 Ya pa hopi tempu e scol ta incluí un programa pa lesamentu semanal di Bijbel. E ta igual na lesa un página di Bijbel tur dia. Cuminsando e aña aki, lo asigná lesamentu di Bijbel pa e simannan di repaso skirbí tambe. Nos a completá e lesamentu di Bijbel adicional cu tabata riba programa e último tres añanan. Pero si bo ta deseá di lesa mas di loke tin programá dje Bijbel, bo por traha bo mes schedule pa lesamentu.
3 Asignacion Num. 2 ta entrená rumannan homber pa “lesamentu público” dje Palabra di Dios. (1 Tim. 4:13) Ora bo tin un asignacion di lesamentu, practik’é na bos haltu bes tras bes. Podisé bo por usa Sociedad su casetnan di Bijbel den e idiomanan disponibel pa mehorá bo pronunciacion dje idiomanan ei. E modulacion i otro aspectonan di bon lesamentu cu bo ta tende riba e casetnan aki por ta útil tambe ora di presentá partinan na papiamento.
4 Asignacion Num. 3 i Num. 4 ta basá riba e buki Razonamentu, cu a ser prepará pa usa den e ministerio di veld. Si e material asigná ta mas di loke bo por considerá denter dje tempu permití, scoge solamente loke lo ta mas práctico pa e teritorio di bo congregacion. Bo por usa cualkier marco di circunstancia cu ta apropiado pa bo teritorio.
5 Haci tur esfuerso razonabel pa cumpli cu tur bo asignacionnan den e scol. Tuma bo tempu pa prepará bon, i papia di bo curason. Si bo participá di henter curason den e Scol di Ministerio Teocrático durante aña 2001, lo bo ta un fuente di animacion pa e congregacion, i lo bo beneficiá personalmente.