E Scol di Ministerio Teocrático pa 2002
1 Mayoria hende ta considerá e abilidad di papia como algu masha gewoon. Sin embargo, abla ta un don di Jehova. E ta permití nos comunicá cu otro hende i expresá nos pensamentu i sintimentunan. Mas importante ainda, cuné nos por alabá nos Dios.—Sal. 22:22; 1 Cor. 1:4-7.
2 Hende homber, muher i mucha ta ser entrená den e Scol di Ministerio Teocrático pa declará e nomber di Jehova. (Sal. 148:12, 13) E programa di scol pa aña 2002 ta abarcá un variedad amplio di tema bíblico cu nos por beneficiá di dje personalmente i usa den e ministerio. Dor di prepará p’e scol i participá den dje, nos por aumentá nos conocimentu i nos abilidad como maestro dje Palabra di Dios.—Sal. 45:1.
3 Lesa Bijbel Tur Dia: Si nos soru pa tur ora nos tin un Bijbel na man, nos por probechá di cualkier tempu liber cu nos tin pa les’é. Mayoria di nos tin un par di minuut durante dia cu nos lo por usa pa esei. Ta masha probechoso pa nos lesa por lo ménos un página tur dia. Esei ta tur loke nos mester haci pa keda pareu cu e lesamentu di Bijbel programá p’e scol!—Sal. 1:1-3.
4 E abilidad di por lesa Bijbel bon por yuda nos alcansá curason di nos oyentenan i motivá nan pa alabá Jehova. Ruman hombernan cu ta presentá Parti Num. 2 den e scol tin cu train, train i sigui train nan lesamentu na bos haltu. E superintendente di scol lo duna encomendacion i sugerencia pa mehorá e lesamentu.
5 Usa Buki Razonamentu: Parti Num. 3 i Num. 4 ta basá riba buki Razonamentu. Mayoria di nos probablemente lo por ta mas conciente pa usa e yudansa práctico aki den sirbishi di veld. Ruman muhernan mester usa marconan di circunstancia cu ta práctico p’e teritorio. E superintendente di scol mester paga tinu foral n’e manera cu e studiante ta siña e doño di cas i ta haci uso dje Scritura.
6 Laga e Scol di Ministerio Teocrático yuda nos tur sigui usa e don di abla cu Dios a duna nos pa declará e bon nobo i alabá nos gran Dios, Jehova!—Sal. 34:1; Efe. 6:19.