Programa Nobo di Dia Special di Asamblea

E tema dje programa di dia special di asamblea pa e aña di sirbishi nobo tin un bon base bíblico: “Someté Boso Mes na Dios—Oponé Diabel.” (Sant. 4:7) Esaki ta guia sano pa e tempu difícil aki! Dor di obedecé e mandamentunan di Dios nos ta haña nos den confrontacion directo cu Satanas. E programa lo siña nos con pa para firme contra Diabel su complotnan malicioso cu ta destruí fe. Cua ta algun dje hoyanan spiritual cu nos lo ricibí na e asamblea aki?

E superintendente di circuito lo mustra con “Manifestá Sumision na Dios Como Miembro di Famia” ta fortalecé famianan pa resistí preshon di mundu. E orador bishitante su promé discurso, “Loke Oponé Diabel Ta Nificá,” lo splica pakico i con nos tin cu tuma accion decisivo pa resistí Satanas su plannan pa ruiná nos spiritualidad. Tin dos parti prepará specialmente pa hóbennan, kendenan tambe mester ta alerto pa e inventonan di Diabel. Hopi cristian cu awor ta adulto a nenga di sigui deseonan mundano tempu nan tabata yong. Nos lo disfrutá di tende algun di nan experencianan personal.

Sumision na autoridad ta ser rekerí di tur cu ta forma parti dje sociedad humano. P’esei, e discurso final dje orador bishitante lo resaltá cuater área caminda nos mester manifestá sumision na Dios: (1) na gobiernu, (2) den congregacion, (3) na trabou seglar i (4) den e círculo di famia. Esta un programa práctico!

Esnan cu ta deseá di bautisá na e dia special di asamblea aki tin cu notificá e superintendente presidente mas pronto posibel. Nos tur mester marca e fecha riba nos kalender i planea pa asistí na henter e programa di asamblea. E bendicionnan cu nos ta ricibí lo ta eterno segun cu nos ta someté nos mes na Jehova pa semper.